Astanada qyzmetke salǧyrt qarau deregı boiynşa tört būrynǧy polisiia qyzmetkerı ūstaldy, dep habarlaidy "Adyrna" tılşısı.
Būǧan elordada äieldıŋ qatygezdıkpen öltırıluıne bailanysty jürgızılgen qyzmettık tekseru sebep boldy.
Qazaqstan Respublikasy IIM mälımetınşe, IIM özındık qauıpsızdık departamentı jauapty lauazymdy tūlǧalardyŋ äreketterıne qyzmettık tekseru jürgızgen.
Tekseru qorytyndysy boiynşa tört polisiia qyzmetkerı terıs sebeptermen qyzmetten bosatyldy. Olardyŋ qatarynda ekı audandyq polisiia basqarmasynyŋ bastyǧy men orynbasarlary, sondai-aq Astana qalasy polisiia departamentı bastyǧynyŋ orynbasary bar.
Polisiia departamentınıŋ bastyǧy men taǧy bır orynbasary qataŋ tärtıptık jauapkerşılıkke tartyldy.
Sonymen qatar qyzmetke salǧyrt qarau faktısı boiynşa qylmystyq ıs qozǧaldy. Tergeu aiasynda būryn qyzmet atqarǧan tört polisiia qyzmetkerı ūstaldy.
Qazır tergeu amaldary jalǧasyp jatyr. Is Işkı ıster ministrınıŋ erekşe baqylauyna alynǧan.
