AQŞ prezidentı Donald Tramp Respublikalyq partiia müşelerı men olardyŋ jaqtastaryna demokrattar tarapynan jasalǧany aitylǧan qoqan-loqqylardy tekserudı Ädılet ministrlıgıne tapsyrdy. Būl turaly ol Truth Social äleumettık jelısındegı paraqşasynda jazdy, dep habarlaidy "Adyrna".
Tramptyŋ sözınşe, Demokratiialyq partiia ökılderı AQŞ-tyŋ bas prokurory men basqa da joǧary lauazymdy tūlǧalarǧa qysym körsetıp, olardy impichment jariialaumen jäne türlı jazalau şaralarymen qorqytqan.
Sondai-aq AQŞ prezidentı demokrattar Respublikalyq partiianyŋ qarjylyq demeuşılerın qylmystyq jauapkerşılıkke tartamyz jäne türmege jabamyz dep ses körsetkenın alǧa tartty.
«Būl – eŋ joǧary deŋgeidegı bopsalau. Mūndai äreketter üşın jauapkerşılıkke tartu qajet», – dep jazdy Tramp.
Būdan bölek, Aq üi basşysy Michigan ştatynan sailanǧan senator Elissa Slotkindı de synǧa aldy. Onyŋ aituynşa, senator respublikalyq közqarasty ūstanatyn jastarǧa qarsy äreket etudı közdep otyr.
Tramptyŋ mälımdeuınşe, demokrattar eşqandai zaŋ būzuşylyq jasamaǧan adamdarǧa da qorqytu sipatyndaǧy hattar joldaǧan.
«Osy mälımdeme arqyly Ädılet ministrlıgıne atalǧan yqtimal qylmystyq äreketterdı dereu tergeudı tapsyramyn», – dedı AQŞ prezidentı.
Alaida Tramp öz jazbasynda aitylǧan aiyptaulardy rastaityn naqty dälelder ūsynbaǧan. Sondai-aq äzırge osy mälımdemege bailanysty resmi tergeudıŋ bastalǧany jönınde aqparat jariialanǧan joq.
Aita keteiık, Tramptyŋ būl mälımdemesı AQŞ-taǧy aralyq sailaudan keiın saiasi küşterdıŋ araqatynasy özgergen kezeŋde jasaldy. 3 qaraşada ötken sailau qorytyndysy boiynşa Demokratiialyq partiia Kongrestıŋ Ökılder palatasy men Senatynda basymdyqqa ie bolǧany habarlanǧan edı.
Kongrestıŋ jaŋadan sailanǧan qūramy 2027 jyldyŋ qaŋtarynda öz jūmysyna kırısedı.
