Almaty oblysynyŋ polisiia departamentı prokuraturamen bırge adam aǧzalaryn alyp-satu boiynşa qylmystyq shema ūiymdastyrǧan toptyŋ jolyn kestı, dep habarlaidy "Adyrna" ūlttyq portaly Polisiakz-ke sıltep.
Almaty qalasy, Almaty, Jambyl jäne Türkıstan oblystary boiynşa ūiymdasqan qylmysqa qarsy küres bölımşelerımen 22 aiyptaluşy (ūiymdastyruşylar, medisina qyzmetkerlerı, notariustar, resipientter men donorlar) jetkızıldı, olardyŋ arasynda resipientterdı, donorlardy ızdeu, jalǧan qūjattardy öŋdeu jäne operasiialardy ūiymdastyru boiynşa jauaptylar bary belgılı boldy.
Operasiia somasy 6-10 million teŋgenı qūrasa, osyndai segız faktı anyqtaldy. Negızgı üş ūiymdastyruşy qamauǧa alyndy. Jedel-ızdestıru şaralarynyŋ nätijesınde küdıktılerden qolma-qol
aqşa, qūjattama, sifrlyq tasymaldaǧyş jäne basqa da zattai aiǧaqtar tärkılendı.
«Halyq densaulyǧy jäne densaulyq saqtau jüiesı turaly» Qazaqstan Respublikasynyŋ Kodeksıne säikes transplantasiia kezınde adam aǧzalary men tınderın satyp aluǧa jäne satuǧa tyiym salynady. Qazaqstan Respublikasy Qylmystyq kodeksınıŋ 116-baby «Tırı adamnyŋ aǧzalary men tınderın transplantasiialau nemese özge de paidalanu üşın mäjbürlep alu nemese zaŋsyz alu, sol siiaqty zaŋsyz mämıleler jasau» boiynşa sotqa deiıngı tergeu jürgızılude.
Qylmystyq-prosestık kodekstıŋ 201-babyna säikes özge de mälımetter jariia etuge jatpaidy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz