Búgin Májilistiń jalpy otyrysynan keıin Ishki ister mınıstri jýrnalısterdiń suraqtaryna jaýap berdi, dep habarlaıdy "Adyrna" ulttyq portaly.
Jýrnalısterdiń «Qaraǵandy qalasynda jedel járdem júrgizýshisin urǵan adam nege ustalmaı jatyr?» degen suraǵyna mınıstr «Iá, sondaı fakti boldy. Qylmystyq is qozǵaldy. Búgingi kúnde sol kúdikti izdeýde. Izdeý sharalary júrip jatyr» dep qysqa jaýap berdi.
Eske salaıyq, 28 qańtarda jedel járdem qyzmetkerleri dene qyzýy kóterilgen jáne qyzylshaǵa kúdigi bar balany aýrýhanaǵa áketpek bolyp Maıqudyqtaǵy aýlalardyń birine kelgen. Sol sátte óter jol qaldyrmadyń dep narazylyq bildirgen er adam júrgizýshini soqqyǵa jyqqan.
Jedel járdem júrgizýshisin urǵan kúdikti Nurbolat Dákebaev úsh kúnnnen beri ustalmaı jatyr. Bul quqyq qorǵaý qyzmetkeriniń salǵyrttyǵy emes pe?
Polıeıler Qaraǵandynyń barlyq saýda úıleri, baǵanalar, aýlalardaǵy dúkender men dárihanalarda Maıqudyqta jedel járdem kóliginiń júrgizýshisin urdy degen kúdikti Nurbolat Dákebaev izdestirilip jatqany týraly habarlamalar ildi. Er adam asa qaýipti qylmysker bolmaǵandyqtan, kúdiktini izdeý sharalary 2-sanatqa jatady.
Qazir jábirlenýshi oblystyq aýrýhanada mıdyń shaıqalýy, qabyrǵasynyń jabyq synýy, bas súıek gemotomasy syndy dıagnozben em qabyldap jatyr. Densaýlyqqa qasaqana zııan keltirý faktisi boıynsha qylmystyq is qozǵalǵan. Bul oqıǵaǵa qatysty densaýlyq saqtaý mınıstri Ajar Ǵınııat áleýmettik paraqshasynda pikir bildirip, mundaı jaǵdaı quqyq qorǵaý organdarynyń deńgeıinde de, qoǵamda da qatań aıyptalýy tıis dedi. Sondaı-aq, tergeý isin tikeleı nazarda ustaıtynyn málimdedi.
