Almatylyq boijetken jas jıgıtpen tanysudan bas tartqany üşın soqqyǧa jyǧyldy. Al tärtıp saqşylary bolsa, jas qyzdyŋ özıne kınä artyp, qorǧaudyŋ ornyna, synnyŋ astyna alǧan. Boijetkennıŋ beimezgıl uaqytta syrtta qydyryp jürgenın äbden sökken, dep jazady "Adyrna" portaly 360news.kz-ke sıltep.
Belgılı bolǧandai, oqiǧa şıldenıŋ soŋynda bolǧan.
«Qūrbym ekeumız özennıŋ jaǧasynda otyrdyq. Qoldarynda syrasy bar ekı er adam kelıp, bızben tanysqysy keldı. Bız ekı ret sypaiy türde bas tarttyq. Keiın olardyŋ bırı balaǧattap, nege tanyspaitynymyzdy sūrady. Keiın ol kenetten jūdyryǧymen jaǧymnan ūrdy. Esımnen aiyryldym, keiın 102, 103 şaqyrtypty», - dedı boijetken.
Soraqysy poliseiler jäbırlenuşınıŋ «tünde seruendep jürgenıne özı kınälı» dep aryzyn qabyldamaǧan.
«Men prokuraturaǧa ekı ret hat jazdym. Istı tergeuşıge berıŋder, olar äkımşılık emes, qylmystyq ıs qozǧasyn dedım. Bızdıŋ zaŋdarymyz osyndai. 17 kün öttı, kınälını tappady. Tıptı jaq süiegım synbasa da, psihikam būzyldy. Olar ıstı operaǧa nemese tergeuşıge bere almaidy. Eşqandai kamera joq, sondyqtan ony taba almaidy», - dep qosty ol.
Almaty qalalyq polisiia departamentı qazır küdıktılerdı anyqtap, ūstauǧa baǧyttalǧan jedel ıs-şaralar jürgızılıp jatqanyn habarlady. Jäbırlenuşınıŋ alǧan dene jaraqatynyŋ auyrlyǧyn anyqtau maqsatynda sot-medisinalyq saraptama taǧaiyndaldy.
Ūqsas jaŋalyqtar
