Aqtaýdaǵy Nazarbaev Zııatkerlik mektebiniń oqýshylary ǵylymı jobalar saıysyna qatysyp, jelilik kezeńge joldama aldy.
Jas zertteýshilerge arnalǵan jelilik saıystyń alǵashqy týry 16-20 qazan aralyǵynda qashyqtan ótti. Baıqaýǵa NIS-tiń 900-den asa oqýshysy 636 joba usynsa, aqtaýlyq oqýshylar 23 joba qorǵady.
Jelilik ǵylymı jobalar baıqaýy bes baǵytta uıymdastyryldy – «Ǵylymı-tehnıkalyq progress – ekonomıkalyq ósýdiń negizgi býyny retinde», «Ekonomıkalyq jáne áleýmettik proesterdi matematıkalyq modeldeý», «Taza tabıǵı orta – «Kazaqstan – 2030» strategııasyn júzege asyrýdyń negizi», «Qazaqstannyń tarıhı eskertkishteri men perspektıvalyq týrıstik baǵdarlary» jáne «Týǵan elge taǵzym».
Irikteý kezeńinde 12-synyp oqýshylary Ahmet Qýantqan pen Rashıd Tashır jetekshisi qazaq tili páni muǵalimi Arý Qorǵanbaeva birigip jasaǵan «Til tanym4.com» (Tórtinshi jahandyq ındýstrııalandyrý) ınterfeısi» atty ǵylymı jumysy kópshiliktiń qyzyǵýshylyǵyn oıatty.
- Bul «Til tanym4.com» (Tórtinshi jahandyq ındýstrııalandyrý) ınterfeısi» dep atalatyn joba arqyly kez-kelgen ortada uıaly telefondy, gadjetti qýattap qazaq tiline degen suranys pen qajettilikti arttyra otyryp, jalpy halyqtyń sóıleý mánerin, til baılyǵyn sózdik qoryn damytý, qazaq tiliniń aıasyn keńeıtý máselesin sheshe alady,- deıdi jobany qurastyrýshy Ahmet Qýantqan
Aqparat quraldaryndaǵy jaryspaly sózderdiń qoldanysyna taldaý jasaǵan 9-synyp oqýshylary Bıbinur Boshman jáne Móldir Imanǵazy til tazalyǵyn saqtaýdyń mańyzdylyǵyn aıtty.
- Orfografııalyq zańdylyqtardyń saqtalmaýynan tilimizde jaryspaly sózderdiń qatary kóbeıýde. Bul sózderdiń syńarlary ártúrli qoldanylyp júr. Mysaly, raqmet-rahmet, eshteńe-eshteme, arakidik-aragidik, t.b. Bul – saýatsyzdyqqa alyp keletin jaıttardyń biri. Zertteý jumysynyń nátıjesi ári osy máseleniń sheshimi retinde «JARYSAIYQ» qosymshasyn usynamyz. Jaryspaly sózderdiń qaı nusqasynyń durys ekendigin oıyn túrinde anyqtaıdy, ári til bilimi boıynsha bilimin shyńdaýǵa múmkindik beredi. Qazirgi tehnologııa úderisinde adamdarǵa qur sózden góri, kúndelikti paıdalanatyn qosymshany usynǵandy durys dep esepteımiz,- deıdi qatysýshy Bıbinur Boshman
«Jaryspaly sózderdiń aqparat quraldaryndaǵy jıiligi» taqyrybyndaǵy jobanyń jetekshisi qazaq tili páni muǵalimi Sánııa Daýtalıeva. The
Atalǵan jobalar ǵylymı jobalar baıqaýynyń respýblıkalyq kezeńge qatysady, sondaı-aq, «Tehnıka» baǵyty boıynsha baıqaýǵa qatysqan 10-synyp oqýshylary Janshýaq Abjetova, Farıza Ǵınýlla «Life Saver All» dep atalatyn ǵylymı jobalaryn ádil qazy aldynda qorǵap, respýblıkalyq kezeńge joldama aldy. Jetekshileri fızıka páni muǵalimi Laýra Bekeshova.
Oqýshylardyń jobalaryn belgili otandyq sarapshylar men ozyq joǵary oqý oryndarynyń, ǵylymı-zertteý ortalyqtarynyń, ǵylymı jańalyqtar men zamanaýı tehnologııalar salasyndaǵy zerthanalardyń ǵalymdary baǵalady.
Baıqaýdyń ekinshi týry 2023 jyldyń 30 qazany men 3 qarashasy aralyǵynda NIS Ph&M Astana bazasynda jaratylystaný-matematıkalyq baǵytta jáne NIS Ch&B Almaty bazasynda qoǵamdyq-gýmanıtarlyq baǵyt boıynsha oflaın formatta ótedi.
