Elordada «Meniń elim – meniń týym!» chellendji aıasynda qala turǵyndary 1000-nan astam tý ildi. Bul týraly elorda ákimdiginiń resmı saıty jazdy, dep habarlaıdy «Adyrna» ulttyq portaly.
Respýblıka kúnin merekeleý qarsańynda elorda turǵyndary «Meniń elim – meniń týym!» chellendjin ótkizdi. Astananyń 5 aýdanynda terezeler men balkondarǵa jáne kóshe boıyna 1000-ǵa jýyq tý ilindi.
«Astana jastary» eriktileri memlekettik rámizdi dáripteý boıynsha alǵashqylardyń biri bolyp úlken akııany bastady. Instagram jelisinde olar qazaqstandyqtardy ózderiniń týmen túsken foto/vıdeolaryn jarııalaýǵa jáne #RepublicDay #RespýblıkaKúni #kzdayrepublic heshtegimen belgileýge shaqyrdy.
Eriktilerdiń aıtýynsha, patrıottyq shara jyl saıyn ótkiziledi. Bul tek bezendirilgen úılerdiń turǵyndarynyń ǵana emes, elorda kóshelerimen ótip bara jatqan adamdardy da qýanyshqa bóleıdi.
Astanalyqtar bul bastamany jyly qabyldap, akııaǵa qosyldy.
«Mundaı kórinis erekshe áser beredi. Jumysqa bara jatqanda osy kóriniske kóz júgirtip, eriksiz kóńil kúıim kóteriledi. Meniń oıymsha, adamdardy kúndelikti kúıbeń tirlikten alshaqtatyp, oıyn bólý kerek», – dep bólisti Astana turǵyny Tamara Sývorına.
Aıta keteıik, qalanyń ortalyq kóshelerinde (Táýelsizdik, B.Momyshuly dańǵyldary, Saraıshyq, Syǵanaq, Dostyq kósheleri, Respýblıka, Uly dala dańǵyldary jáne t.b.) jol boıynda QR týlary ilingen.
Jalpy Astana qalasy boıynsha myńnan astam tý ilindi. Akııa jalǵasýda.
«Adyrna» ulttyq portaly
