Almaty oblysynda tūrǧyn üide gaz balony jarylyp, alapat ört boldy, dep habarlaidy "Adyrna" tılşısı.
21 qazan künı Talǧar audanyndaǧy tūrǧyn üide bolǧan alapat örttıŋ beinejazbasy äleumettık jelıde tarap kettı. Oqiǧa ornynda bolǧan kuägerler qyzyl jalynnyŋ qalai bastalǧanyn tüsırıp alǧan.
Beinejazba avtory örtke oranǧan üide gaz balony jarylyp, qatty dauystyŋ estılgenın aitady. Özge tūrǧyndar da būl jarylysty estıgenın aityp, keiın qoiu qara tütındı baiqaǧan.
Al Almaty oblystyq tötenşe jaǧdailar departamentınıŋ mälımdeuınşe, üide gaz balony jarylmaǧan.
"21 qazan künı saǧat 19:06-da Almaty oblysy tötenşe jaǧdailar departamentınıŋ ört söndıruşılerı Talǧar qalasyna kezektı şaqyrtuǧa şyqty. Oqiǧa ornyna jetken kezde Amangeldı köşesındegı jeke tūrǧyn üidıŋ jalpy alaŋy 150 şarşy metrdı qūraityn şarualyq qūrylystary, monşa, sarai örtenıp, joǧary temperaturanyŋ äserınen şatyrdyŋ qaptamalary erıgen belgılı boldy",-delıngen.5 tehnikasy jūmyldyrylyp, qyzyl jalyndy söndırgen. Örtten zardap şekkender men qūrbandar joq. Qazır örttıŋ şyǧu sebebı anyqtaluda.
Ūqsas jaŋalyqtar
