Şyǧys Qazaqstan oblysynyŋ äkımı Danial Ahmetov Semei qalasyna jūmys sapary barysynda Qaraǧaily şaǧyn audanynda bolyp, bes köp balaly anaǧa jaŋa tūrǧyn üidıŋ kıltın tabys ettı.
Päterlerdı aralaǧan öŋır basşysy tūrǧyn üilerdıŋ sapasyna riza boldy. D. Ahmetov köp balaly analardy jaŋa qonystarymen qūttyqtap, barlyǧyna densaulyq pen baqyt tıledı.
- Bügın bız Elbasy Nūrsūltan Äbışūly Nazarbaevtyŋ tapsyrmasy boiynşa alǧaşqy qadamdar jasadyq, - dedı D. Ahmetov. - Biyl köpbalaly analarǧa 200-den astam päter berıledı. Osy jūmystar Semei qalasynda bolyp jatqanyna quanyştymyn. Būl şaǧyn audan men üşın erekşe. Menıŋ oiymşa, Qaraǧaily etalondyq audan bolyp, Semeidıŋ alǧa qarai damityn standarttaryn qalyptastyrady.
Öz kezegınde köp balaly analar äkımge alǧys aityp, jyly lebızderın bıldırdı.
- Osyndai qymbat syilyq üşın Elbasyna rahmet, - dedı köp balaly ana Aitbuba Aisanova. - Bızge qūrmetpen qaraityny üşın quanyştymyn. Barşaŋyzǧa beibıt aspan men amandyq tıleimın. Balalarymyz aman bolsyn. Osynyŋ bärın saqtaiyq jäne köbeiteiık.
Qūrylys saluşylarmen äŋgımelesu barysynda D. Ahmetov şaǧyn audannyŋ arhitekturalyq kelbetın ärlendırudı tapsyrdy. Jalpy, aimaq basşysy Qaraǧaily audanynda salynyp jatqan tūrǧyn üidıŋ sapasyn joǧary baǧalady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz