ŞQO-da taǧy bır qūs fabrikasy salynuy mümkın dep habarlaidy Altainius.
Būl turaly oblysqa resmi saparmen kelgen Şyŋjan Ūiǧyr avtonomiiasy, Halyq ükımetı töraǧasynyŋ orynbasary Chjao Chunsziumen kezdesude aimaq basşysy Danial Ahmetov mälım ettı.
Aita keteiık, Şyǧys Qazaqstanǧa sapary barysynda Chunsziu myrza bastaǧan qytailyq delegasiia D.Serıkbaev atyndaǧy ŞQMTU-da, sonymen qatar Ülbı metallurgiialyq zauytynda bolyp, ondaǧy jūmyspen tanysyp qaitqan. Şeteldık qonaqtar oblysqa saparynyŋ basty maqsaty bırqatar saladaǧy bırlesken jobalardy jüzege asyru jaǧyn talqylau bolǧanyn aitty. Äsırese auyl şaruaşylyǧy salasy qyzyqtyratynyn jasyrmady. Aimaq basşysy Danial Ahmetov te Şyǧys Qazaqstan oblysy üşın būl agrosektordegı ärıptestık asa maŋyzdy ekenın jetkızıp, qonaqtar nazaryna bırneşe jobany ūsyndy.
–Oblysymyzda jaŋa qūs fabrikasyn saludy josparlaudamyz. Būl – auqymdy joba. Atalmyş maqsatqa 40 myŋ gektar jer bölemız. Taǧy 300 gektarǧa juyq telımde fabrikanyŋ negızgı bazasy ornalasatyn bolady. Jospar boiynşa käsıporyn jylyna 30 myŋ tonna qūs etın öndıruı tiıs. Mıne, osy bır jobany jüzege asyruǧa sızder de atsalyssaŋyzdar degen tılegımız bar. Jalpy, bızdıŋ oblysta auyl şaruaşylyǧy salasynda jemıstı eŋbek etıp jatqan bırneşe bırlesken qazaq-qytai käsıporyny bar. Mäselen, Kökpektı audanynda qūrylǧan däl osyndai kompaniianyŋ bırı bügınde Qytai elıne balyq önımderın eksporttaumen ainalysuda. Sol siiaqty Besqaraǧai, Ürjar audandarynda da bırlesken käsıporyndarymyz nätijelı jūmys jürgızude. Bız, sonymen qatar Qytaiǧa et önımderın eksporttauǧa müddelımız. Būǧan äleuetımız de, mümkındıgımız de jetedı, – degen oblys äkımı Ürımjı men Şäueşek qalalary aralyǧynda salynǧan jaŋa temırjol ekı el aimaq arasyndaǧy bailanysty būdan saiyn bekıte tüsetınıne senım bıldırgen.
Öz kezegınde şeteldık delegasiiany bastap kelgen Chjao Chunsziu myrza aimaq basşysyna şaqyrtuy üşın alǧys aityp, Şyŋjan Ūiǧyr avtonomiiasy üşın Şyǧys Qazaqstan oblysy negızgı strategiialyq ärıptesterdıŋ bırı ekenın jetkızgen.
–Bız de ärıptestıgımız baiandy bolǧanyn qalaimyz. Jäne osy baǧytta jūmys jürgızuge äzırmız. Bügınde Şyǧys Qazaqstanda ekı öŋırdıŋ käsıpkerlerı qūrǧan 12 bırlesken kompaniia bar eken. Sızderdıŋ oblystaryŋyzda öndırıletın auylşaruaşylyq önımderı joǧary sapaǧa ie ekenın de bılemın. Äsırese, bidai, ūn men maily daqyldaryŋyzdy maqtaidy. Bız Şyǧys Qazaqstan oblysynan osy siiaqty önımderdı köbırek alǧymyz keledı. Turizm salasyn da damytuǧa niettımız. Ötken jyldyŋ qaraşa aiynda Ürımjı qalasynda kezdesıp, ekıjaqty kelıssözder jürgızgen bolatynbyz. Endı sol basqosuda qol jetkızgen uaǧdalastyqtarymyzdy ıs jüzınde oryndauǧa daiarmyz, – dedı Chjao Chunsziu myrza.
Kezdesu barysynda ekı öŋırdıŋ bılım, ǧylym, densaulyq saqtau jäne mädeniet salalaryndaǧy ärıptestıgı de söz boldy. Kelıssözder qorytyndysy boiynşa taraptar bırqatar ekıjaqty hattamaǧa qol qoidy.
