Aıagóz qalasynda jeke úılerden órt shyǵyp, tórt balasynan aıyrylyp, qan jutyp otyrǵan ata-ana 2019 jyly 1-2 toqsa ǵana ataýly áleýmettik kómek (AÁK) alǵan. Sosyn qoldaryńda mal bar dep, AÁK-den "óz erkimmen bas tartamyn" dep jazǵyzyp alǵan. Bul týraly Ongar_online Telegram arnasy jarııalady, dep habarlaıdy “Adyrna” ulttyq portaly.
“Bir kúnde tórt balasynan aıyrylǵan áke-sheshesi essiz, talyp jatyr. Ákesi Aıagózdegi "Qazyǵul" jekemenshik aýrýhanasynda jedel járdem kóliginde shopyr bolyp qyzmet isteıdi. Alatyn aılyǵy - 120 myń teńge
Sheshesi - jumyssyz. 2019 jyly 1-2 toqsan ǵana ASP alǵan. Sosyn qoldaryńda mal bar dep, ASP dan "óz erkimmen bas tartamyn" dep jazǵyzyp alǵan. 2019 jyldan beri ASP almaıdy. ASP almaıtyn sebepti sheshesi sıyr saýyp, bazarǵa sútin satyp otyrǵan. Tórt balanyń bireýi múgedek bolypty dep jatyr. Aqparat naqtylaýdy qajet etedi”, dep jazylǵan.
Aıta keteıik, 25 qazan kúni saǵat 11 shamasynda Abaı oblysy Aıagóz qalasyndaǵy jeke úılerdiń birinde órt shyǵyp, bir úıdiń 4 balasy qaza tapqan. 8 jasar egizder men olardyń 3 jáne 2 jastaǵy inileri kómirqyshqyl gazynan ýlanyp qaıtys bolǵany aıtylǵan bolatyn.
