Armeniiadan armiandar köşıp jatyr. Bügıngı künı Armeniia halqy azaiyp keledı. Armeniia ülken qatelık jasady, olar Qarabaqty Äzırbaijannan tartyp aldy. Endı Äzırbaijannan tartyp alǧan Qarabaqty qorǧau kerek, iaǧni Äzırbaijanmen soǧysu kerek. Al soǧys qymbat, armian halqy soǧystan şarşap, balalaryn äskerge jıbergısı kelmeidı. Egerde, Armeniiada halyq sany üş millionnan azaisa, Äzırbaijanda halyq sany toǧyz millionnan asty. Äzırbaijan biudjetı mūnai qarjysymen tolyǧyp keledı. Al Armeniia ken bailyǧyna kedei, Armeniia üş jaǧynan «jaularymen qorşalyp» sauda jasauǧa mümkındıgı joq. Şet eldık armiandar finanstyq kömek körsetıp keledı, bıraq kömek jetkılıksız. Ūly derjavalar Armeniianyŋ agressivtık saiasatyn qoldamaidy.
Al, Qazaqstannyŋ ışkı jäne syrtqy saiasaty beibıt. Qazaqstan Reseidıŋ qas qabaǧyna qarap 18% qana qūraityn orys jūrtşylyǧynyŋ tılın resmi tıl retınde paidalanyp, sol tılge basymdylyq berıp otyr. Qazaqstan Qytaidyŋ qas qabaǧyna qarap sol eldegı qazaq balasyn qorǧai almai keledı. Qytai Qazaqstandaǧy keremettei «Jıbek joly» atalyp ketken temır jolymyzdy paidalanyp otyrsa da, Şyŋjandaǧy qazaqty «terrorist» dep aiyptap, olardy atamekenge jıbermei otyr. Bızdıŋ bilık suyq qandylyq saqtap keledı. Älemdegı eŋ quatty memleketpen araqatynasty būzǧysy joq. Būl saiasat dūrys ta şyǧar, bıraq qairan qazekeŋe obal boldy. Halyq sany demekşı. Qazaqstan halqy ösıp keledı. Jylma jyl 250-260 myŋǧa qazaq ösıp keledı. Būl qarqyn saqtalsa kelesı on jylda taǧy 2.5 million adam qosylyp, respublikadaǧy qazaqtyŋ sanyn 15 -16 millionǧa jetkızemız. Elımızdegı orys pen nemıs sany azaiyp keledı. Olardyŋ bızge ökpesı joq körınedı. Bızge bıreudıŋ jerı kerek emes. Bızdıŋ saiasat sen timeseŋ men timeimın atty saiasat. Ūly jäne agressivtı derjavalardyŋ arasyndaǧy Qazaqstanǧa osy saiasat pragmatikalyq jaǧynan tiımdı.
Äzımbai Ǧali
