“Avariialyq-qūtqaru jūmystary üzdıksız jürgızılude” - QR TJM

Qaraǧandydaǧy Kostenko şahtasynda avariialyq-qūtqaru jūmystary üzdıksız jürgızılude, dep habarlaidy “Adyrna” tılşısı Tötenşe jaǧdailar ministrlıgıne sıltep. Qazır şahtadaǧy apattyŋ saldarynan tau-ken qūtqaru bölımşelerı barlyq qajettı ıs-şaralardy auysymmen jasap jatyr. Ministrlık ökılınıŋ sözınşe jūmystar täulık boiy ekı öndıru uchaskesınde jürgızılıp jatyr. “Tau-ken qūtqaruşylarynyŋ küşterı kenşılerdı ızdeuge şoǧyrlandyrylǧan. Izdeu jūmystary elektr energiiasynyŋ jetıspeuşılıgınen, tau-ken jūmystarynyŋ köptıgınen, jeke su basqan qazbalarǧa qol jetımdılıktıŋ bolmauynan, köptegen būzylǧan mehanizmder men qūrylystardyŋ boluynan qiyndyq tuǧyzuda. Sondai-aq, qaza tapqandardyŋ denelerın jer betıne şyǧaru jūmystary jürgızılude. Avariia ornynda aşyq janu oşaqtary joq”,-deidı QR TJM ökılı. Sonymen qatar, jedel jelı telefondary üzdıksız jūmys ısteude. Barlyǧy 400-ge juyq qoŋyrau kelıp tüstı. 20 psiholog şūǧyl psihologiialyq kömek körsetude.