31 qazanda QR Premer-Ministrı Älihan Smailovtyŋ töraǧalyǧymen ötken Ükımet otyrysynda Tötenşe jaǧdailar ministrı Syrym Şärıphanov Kostenko atyndaǧy şahtadaǧy jaǧdai turaly baiandady, dep habarlaidy «Adyrna» ūlttyq portaly.
Bügıngı künı ızdestıru-qūtqaru jūmystary barysynda 45 kenşınıŋ denesı jäne aldyn-ala boljam boiynşa 46-şy qaza tapqan adamnyŋ dene bölşekterı tabyldy. Qaitys bolǧan 40 adamnyŋ jeke basy anyqtaldy, 6-y anyqtalmady. Olardy säikestendıru üşın tiıstı saraptamalar jürgızıledı. Izdeu jūmystary elektr energiiasynyŋ bolmauymen, tau-ken qazbalarynyŋ ūzyndyǧymen, köptegen būzylǧan mehanizmderdıŋ boluymen qiyndady. Su basqan jekelegen tau-ken qazbalarynda jūmys jasau qiynǧa tüstı. Qazırgı uaqytta aşyq janu oşaqtary joq, gaz jaǧdaiy qalypty. Şahtanyŋ qyzmetın qalpyna keltıru üşın tau-ken qazbalaryn zertteu jäne jekelegen uchaskelerde su soru jūmystary jürgızılude.«Avariianyŋ sebepterın tergep-tekseru şeŋberınde Ükımettık komissiia müşelerımen bırge şahtaǧa tüstım. Bız öte maŋyzdy būzylulardy anyqtadyq. Tau-ken qazbalarynda şahta jabdyqtary jyljyp ketken. 15-ten astam oqşaulaǧyş bögetter men jeldetu qūrylystary qiraǧan», - dep atap öttı ministr.Qazırgı uaqytta taǧy 7 şaǧyn komissiia qūrylyp, jūmys ıstep jatyr. Sonymen qatar tergeuge Qazaqstannan jäne şetelderden saraptamalyq ūiymdar tartyldy. Esterıŋızge salaiyq, 28 qazanda saǧat 2-den 36 minut ketkende «ArselorMittal Temırtau» AQ Kömır departamentınıŋ Kostenko atyndaǧy şahtada tereŋdıgı 700 metrde janu bolyp, keiınnen metan-aua qospasynan jarylǧan bolatyn.
«Adyrna» ūlttyq portaly
