Áleýmettik jelide «Úkimet Qaraǵandy shahtasyn Lakshmı Mıttaldan alyp, Reseılik kompanııaǵa berýi múmkin» dep jazylyp jatyr. Bul sóz qanshalyqty shyndyqqa janasady? Osy jáne ózge de suraqqa Ónerkásip jáne qurylys mınıstri Qanat Sharlapaev jaýap berdi, dep habarlaıdy «Adyrna» ulttyq portaly.
Mınıstrdiń aıtýynsha, birinshiden, kompanııany memlekettik menshikke ótkizý jumystary aıaqtalýy kerek. Sondaı-aq ol eshqandaı ınvestorlardy qaramaıtynyn, shahtany tek otandyq ınvestorlar alatynyn eskertti.
Jýrnalıst «Aldaǵy ýaqytta shahtada apat bolyp, taǵy qaraly kún jarııalap júrmeımiz be? Budan bylaı apat bolmaıdy dep kepildik bere alasyzdar ma?» dep suraq qoıdy.
«Sizder jaqsy bilesizder, ol qaýipti kásiporyn. Qazirgi tańda eshqandaı kepildik bere almaımyz. Biraq bir kepildik berýge múmkindik bolady, kelgen ınvestorǵa qaýipsizdik úshin qansha qarjy jumsaıtyny boıynsha kelisim-shart bolady. Mysaly, qaýipsizdikti barynsha saqtaý úshin qandaı qurylǵy alatynyn anyqtaımyz. Mundaı kúrdeli ári qaýipti ónerkásipte 100 paıyz qaýipsizdik erejeleri saqtalady dep kepildik berý qıyn. Biraq mundaı shahtada qaýip-qaterdiń azaıtýǵa múmkindik bar. Osy talapty kez kelgen jańa ınvestordyń aldyna qoıatyn bolamyz», – dedi mınıstr.
«Adyrna» ulttyq portaly
