Qaraǧandy oblysynda jalpyhalyqtyq «Taza Qazaqstan» aksiiasy aiasynda kögaldandyru jūmystary jalǧasuda. Bır künnıŋ özınde oblys ortalyǧynda 400 aǧaş egılıp, jūmystar qalanyŋ bırneşe aumaǧynda jürgızıldı.
Qala ortalyǧyndaǧy Nazarbaev daŋǧyly boiyndaǧy alleiaǧa 60 qaraǧai qosyldy.
Ekologiialyq senbılıkke erıktılermen bırge öŋır basşysy Ermaǧanbet Bölekpaev qatysty.
— Būl bır rettık bastama emes. Bız aǧaş egu jūmystaryna tūraqty türde qatysamyz jäne tūrǧyndardy da qosyluǧa şaqyramyz. Taza aua ärqaisymyzǧa bailanysty — aǧaş neǧūrlym köp bolsa, qala üşın soǧūrlym paidaly, — dedı Qaraǧandy qalalyq Jastar resurstyq ortalyǧynyŋ ökılı Zaŋǧar Serıkov.
Onyŋ aituynşa, ol tuǧan qalasynda özı bırneşe aǧaş ekken.
Sonyŋ bırı özı bılım alǧan gimnaziia maŋynda ösıp tūr.
Qoǧam belsendısı, kögaldandyru salasynyŋ ardagerı Säken Keldıbaev dūrys täsıldıŋ maŋyzdylyǧyn atap öttı.
— Mūndaǧy aǧaştar eskı bolǧandyqtan, alleiany kezeŋ-kezeŋımen jaŋartyp jatyrmyz. Köşetter jergılıktı jaǧdaiǧa beiımdelıp taŋdalǧan, egu jūmystary tehnologiiaǧa sai jürgızılude. Ötken jyly osy alleiada egılgen aǧaştardyŋ barlyǧy jersındı. Eŋ bastysy — tūraqty kütım qadet, — dedı ol.
Kögaldandyru tek qala ortalyǧynda ǧana jürgızılıp jatqan joq. Jasyl jelekter äuejaiǧa baratyn jol boiynda, sondai-aq qalanyŋ özge de audandarynda egıldı.
Jalpy, biyl Qaraǧandyda 25 myŋnan astam aǧaş egu josparlanǧan. Saiabaqtar men gülzarlarda qosymşa şamamen 7 myŋ būta jäne 12 700 aǧaş paida bolady.
Taǧy 13 myŋnan astam aǧaş qala audandarynda, sonyŋ ışınde ötemdık kögaldandyru aiasynda egıledı. Sonymen qatar alma baǧynyŋ qūryluy jalǧasady.
Aksiia aiasyndaǧy ekologiialyq senbılıkter Qaraǧandy oblysynyŋ barlyq aumaǧynda ötude.
