Ǧylym salasy alǧa qarai adymdap barady

1171
Adyrna.kz Telegram
https://adyrna.kz/content/uploads/2023/11/photo-output.jpeg
Soŋǧy jyldary ǧylym salasy tyŋ serpılıs alǧany aitylyp ta, baiqalyp ta jür. Saǧat saiyn bolmasa da, kün saiyn qaisybır öŋırde bırdeŋe oilap tauypty degendı jiı estitın boldyq. Mūnyŋ özı alǧa ūmtylystyŋ belgısı bolar. Äitpese, ılgerıleu joq jerde, kerı ketu bolatyny anyq qoi. Endı sol soŋǧy jyldyqta elımızdıŋ ǧylym salasy ne bıtırıptı tızbelep körelık. Alǧaşqysy, qazaqşa ym-işarany tüsınetın jasandy intellekt. Būǧan deiın ondaidy estıdıŋız be? Ärine, joq. Būl bıregei jüie körınedı. Mūny L.Gumilev atyndaǧy EŪU jasandy intellekt tehnologiiasy kafedrasynyŋ aǧa oqytuşysy Nūrzada Amangeldı oilap tauypty. Būl jüienıŋ artyqşylyǧy onyŋ qazaq tılın tani aluynda. Jasandy intellekt söileuınde qiyndyqtary bar jäne estu qabıletı naşarlaǧan jandarǧa taptyrmas kömekşı bola alar edı. Jüie ym-işarany mätınge türlendırıp beredı eken. Teŋdesı joq jobany jasauşy onyŋ älemde bıregeilıgın däleldep ülgerıptı. Ol būl jüie erekşe qajettılıgı bar jandardyŋ qoǧamdyq oryndarda erkın jürıp-tūruyna, mekemelerge oŋai kıruıne kömektesedı deidı.Nūrzada Amangeldınıŋ jüiege 9 myŋ söz engızbeknietı bar. Al sol sözderdı är adamnyŋ ym-işarasynda 100 ret jasap körmek. Sonda jalpy 90 myŋ bolady. Önertapqyş alda auqymdy jūmys kütıp tūrǧanyn aitady. Rasynda, mūndai jüieler qoǧamǧa qajet dünie. Statistikaǧa süiensek, elımızde 32 myŋǧa juyq adamnyŋ estu qabıletınde kınärat bar. Būl olardyŋ özderı qatarly adamdarmen eŋbek etıp, qarym-qatynas jasauyna kedergı keltıredı. Sondyqtan būl jobanyŋ maŋyzdylyǧy uaqyt ötken saiyn artyp barady. Al ekınşısın, Abai oblysynyŋ mektep oquşysy Beknūr Aidarbek jasap şyǧypty. Ol būl eŋbegın qoi şaruaşylyǧyn damytuǧa arnaǧan. Iаǧni, qoidyŋ tölın jasandy köbeitu, qoi şaruaşylyǧynda zamanaui jabdyqtardy paidalanu, az şyǧyn, joǧary sapa arqyly jūmys ısteu t.b. Belgılısı, avtomattandyrylǧan jüie qoişylardyŋ auyryn jeŋıl etetını anyq. Jüie qoidyŋ jep-şöbınen bastap, suyna deiın özı beredı. Jüienı telefon arqyly basqaruǧa bolady. Tek qoilaryŋyz 2 gektar qorşalǧan aumaqta jaiyluy tiıs. Būl keiıpkerımız de jobanyŋ tiımdılıgın däleldegen. Kışkentai Beknūr jüie äkem men atamnyŋ jūmysyn bıraz jeŋıldeter edı degen niette.
Pıkırler