Qazaqstan Palestina halqyna 1 million dollar kölemınde kömek beredı. Būl turaly Memleket basşysy Qasym-Jomart Toqaev Türkı memleketterı ūiymynyŋ 10-sammitınde aitty, dep habarlaidy «Adyrna» tılşısı.
Prezident qazır ainalamyzda kürdelı ahual qalyptasyp otyrǧanyn atap öttı.
«Soltüstıkte Resei men Ukraina, Taiau Şyǧysta İzrail men Palestina arasynda qandy qaqtyǧys bolyp jatyr. Auǧanstannyŋ jaǧdaiy da tūraqsyz. Batysta zaŋsyz köşı-qon mäselesı uşyǧyp tūr. Bügınde Gaza Sektoryndaǧy beibıt tūrǧyndar, äsırese, balalar jäne qarttar janjal azabyn şegude. Olardyŋ qauıpsızdıgın qamtamasyz etu – basty mındet. Osy oraida, Qazaqstannan Palestina halqyna 1 million dollar kölemınde gumanitarlyq kömek beru turaly şeşım qabyldadym»,—dedı ol.Memleket basşysynyŋ pıkırınşe, ondaǧan jyl boiy şeşımın tappaǧan özektı mäselelerdı zorlyq-zombylyq körsetu jäne laŋkestık ädıster arqyly şeşu müldem dūrys emes.
«Qazaqstan mūndai täsılderdı qataŋ aiyptaidy. Ahual uşyǧyp ketse, onyŋ saldary tıptı auyr boluy mümkın. Būl rette kez-kelgen janjaldy beibıt kelıs-söz jäne diplomatiialyq dialog arqyly ǧana şeşuge şaqyramyz. Bız üşın är eldıŋ aumaqtyq tūtastyǧyn saqtau jäne onyŋ ışkı ısıne qol sūqpau – basty basymdyq. Halyqaralyq qūqyq normalaryn saqtai otyryp, Bırıkken Ūlttar Ūiymy Qauıpsızdık Keŋesınıŋ qararlaryn mültıksız oryndau maŋyzdy»,—dep tolyqtyrdy Qasym-Jomart Toqaev.Būdan aldyn Özbekstan prezidentı Şavkat Mirziioev Palestina elın aşyq türde qoldaitynyn mälımdep, Gaza sektoryna gumanitarlyq kömek retınde 1,5 mln dollar qarjy böluge şeşım qabyldaǧanyn jariialaǧan.
Ūqsas jaŋalyqtar
