45 äkım. Audan men qala äkımderın sailau bastaldy

5 qaraşa künı 42 audan men oblystyq maŋyzy bar 3 qalada sailau ötude. Memleket basşysy Qasym-Jomart Toqaev biylǧy Joldauyn­da audandar men oblystyq maŋyz­y bar qalalardyŋ äkımderı saila­na­ty­nyn mälımdegen bolatyn. Audandar men oblystyq maŋyzy bar qalalardyŋ äkım­derın tıkelei sailau bastamasy memlekettık bas­qaru­dy orta­lyqsyz­dandyruǧa jäne azamat­tardyŋ jergılıktı atqaru­şy bilık deŋgeiınde şeşımder qabyl­dauǧa tıkelei qatysuyn keŋeituge baǧyt­talǧan saiasi reformalar üderı­sınıŋ maŋyzdy kezeŋınıŋ bırı bolyp tabylady. Būl sailaudy ötkızu üşın qajettı qūqyqtyq baza ötken jy­ly qalyp­tasqan. Ökılet­tık­terge säikes 17 ob­lys­tyŋ mäsli­hattary qanatqaqty rejım­de sailau ötkızu üşın 45 audan men ob­lystyq maŋyzy bar 3 qalalardyŋ tız­besın bekıtıp qoiǧan bolatyn. Kandidattardy tırkeu sailau komissiiasy bükıl qajettı qūjattardy alǧannan keiın bastaldy jäne sailau künıne 25 kün qalǧanda jergılıktı uaqyt boiynşa saǧat 18.00-de aiaqtalǧan. Al sailau aldyndaǧy ügıt-nasihat jūmystary saiasi nauqanǧa 25 kün qalǧanda jäne sailau künıne deiıngı künnıŋ jergılıktı uaqyty boiynşa saǧat 00.00-de toqtatyldy. Sailauǧa qatysuǧa 164 kandidat niet bıldırdı. Olardyŋ 69-yn saiasi partiialar, al 95-ı özın-özı ūsyndy. Tırkelgen ümıtkerlerdıŋ arasynda eŋ ülkenı Maŋǧystau oblysynyŋ Beineu audanynda — 61 jasta, eŋ jas kandidat Türkıstan oblysynyŋ Maqtaaral audanynan tüsıp otyr. Äkımdıkke ümıtkerlerdıŋ köpşılıgı — er adamdar. Degenmen kandidattar arasynda 10 äiel tırkelgen. Audandar men oblystyq maŋyzy bar qalalar äkımınıŋ sailauyndaǧy ortaşa bäseke 3-ten asady. Eŋ joǧary bäseke Jetısu oblysynyŋ Kerbūlaq audanynda — bır orynǧa 6 kandidat. Al eŋ tömenı Aqmola oblysynyŋ Şortandy audanynda — bır orynǧa 2 kandidat tırkelgen.