Pilottyq joba negızınde ötkızıletın būl saiasi nauqan oblystyŋ ekı audanynda – Balqaş, Jambyl audandarynda jüzege asyryluda.
Eske salar bolsaq, Prezident Qasym-Jomart Toqaev ötken jyldyŋ nauryz aiynda Qazaqstanǧa audan äkımderınıŋ sailauyn engızudı jedeldetu qajettıgı turaly aitqan bolatyn. Jergılıktı özın-özı basqarudy damytudyŋ 2025 jylǧa deiıngı tūjyrymdamasyna säikes jergılıktı deŋgeide äkımderdı sailau instituty kezeŋ-kezeŋımen engızıledı. Pilottyq joba respublikanyŋ 3 qalasynda jäne 42 audanynda jürgızıledı.
Jambyl audanynyŋ basşysy lauazymyna 3 kandidat sailauǧa tüstı. Audannyŋ 77 sailau uchaskesı öz jūmystaryna kırıstı. Bügınde aimaqta dauys beruge qūqyǧy bar 105 895 adam aimaq basşysy lauazymyna laiyqty dep sanaityn kandidatqa dauys beredı.
Ūzynaǧaş auylyndaǧy 263 sailau uchaskesınde 2473 adam tırkelgen. "Men baqylaityn 263-şı sailau uchaskesınde bärı zaŋǧa säikes jürgızıldı. Uaqytynda änūran şyrqalyp, sailau uchaskesı jūmysqa kırıstı. Dauys beruge arnalǧan kabinalar talaptarǧa säikes jasaqtalǧan",- deidı "Jambyl audanynyŋ äielderın qorǧau" QB ökılı Aijan Lavin.
Balqaş audanynda öŋır basşysy lauazymyna da 3 kandidat ümıtker. Audannyŋ sailauşylar sany - 18452 adam.
Baqanasta audandyq 23 sailau uchaskesınıŋ 4-ı qūryldy. Olardyŋ bırı- Baqtyoraz Beisekbaev atyndaǧy gimnaziiada ornalasqan 100-şı sailau uchaskesı. Saitta 1800 sailauşy tırkelgen. "Sailauşylar dauys beru bastalǧannan berı belsendılık tanytuda. 12 saǧat ışınde 345 sailauşy dauys berdı. Dauys berude tüsınıspeuşılıkter, qūqyq būzuşylyqtar bolǧan joq ", - deidı sailau komissiiasynyŋ müşesı Äliia Öteşbaeva.
Dauys beru jergılıktı uaqyt boiynşa saǧat 20.00 - ge deiın jalǧasady.
foto:gov.kz
