3 qaraşa künı Türkı memleketterı ūiymynyŋ onynşy sammitıne kelgen Türkiia prezidentı Rejep Taiyp Erdoǧan Qazaqstan Prezidentı Qasym-Jomart Toqaevqa Togg T10X elektromobilın syilaǧan bolatyn. Memleket basşysyna syilanǧan qandai kölık? Būl turaly kolesa.kz jazdy, dep habarlaidy “Adyrna” ūlttyq portaly.
Togg — türıktıŋ ūlttyq avtomobil brendı. Jobany bırneşe kompaniia 2017 jyly qolǧa alǧan. Arasynda tıptı syra qainatatyn Anadolu Group kompaniiasy bar eken. Maşinanyŋ alǧaşqy konseptısın 2019 jyly Pininfarina atelesı jasady. Zauyt qūrylysy da sol kezde bastaldy. Türkiia būl modeldı byltyr qaraşada resmi şyǧara bastaǧan.
Basylymnyŋ mälımetınşe, Toqaev T10X-tıŋ däl qai nūsqasyn alǧany belgısız, degenmen maşina jalpy 430 at küşın beretın ekı elektromotormen jäne 88.5 kVt·saǧ batareia blogymen jūmys ısteitın, jaqsy jabdyqtalǧan türı. Öitkenı odan bölek toptamada 210 at küşıne ie bır motormen jabdyqtalǧan kölık qana bar. T10X-tıŋ jürıs qory 314-523 şaqyrymǧa jetedı.
Aita keteiık, Qasym-Jomart Toqaev Erdoǧannan Togg T10X alǧan alǧaşqy prezident emes. Türkiia basşysy būǧan deiın Katar ämırı men Äzırbaijan, Özbekstan basşylaryna osyndai kölık syilaǧan.
