Bılım jäne ǧylym ministrlıgı joǧary oqu ornyna tüsu jüiesın odan ärı jetıldırmek
Ūlttyq bıryŋǧai testıleu memlekettık granttardy bölgen kezde sybailas jemqorlyq täuekelderın azaitu üşın ötkızıledı. Būl turaly bılım jäne ǧylym ministrı Küläş Şämşidinova aitty, dep habarlaidy Sputnik Qazaqstan tılşısı.
"Ūlttyq bıryŋǧai testıleu memlekettık granttardy bölgen kezde jemqorlyq täuekelderın azaitu üşın ötkızıledı. Bız testıleu jüiesın odan ärı jetıldıru kerek dep oilaimyz. Qazır bılım jüiesınde ısteitın qyzmetkerlermen konsultasiialyq jūmystar jürıp jatyr. Bılım jäne ǧylym ministrlıgı joǧary oqu ornyna tüsu jüiesın jetıldırudı közdep otyr", - dedı Şämşidinova jurnalisterge.
Ministr memleketık grantty bölu maŋyzdy prosess ekenın atap öttı. "Öitkenı elımızdıŋ barlyq azamaty osy grantqa ümıttenedı. Sondyqtan ministrlıktıŋ mındetı – barynşa aşyqtyqty, azamattardyŋ teŋ qūqyǧyn, eŋ bastysy, grantty bölu kezınde ädıldıktı qamtamasyz etu. Sondyqtan bız mūny osy pozisiia tūrǧysynan qarastyramyz", - dedı vedomstvo basşysy. Aita ketsek, elımızde ŪBT 20 mausym men 5 şılde aralyǧynda bastalady. Talapker būrynǧydai üş negızgı pän – Qazaqstan tarihy, matematika jäne oqu sauattylyǧyn tapsyrady. Būdan bölek, ekı salalyq pän bar. Ony talapker özı taŋdaidy. Bes pän boiynşa 120 tapsyrma berıledı, alaida odan är tülektıŋ 140 ūpai jinauǧa mümkındıgı bar.Sputnik.
