Qazaqstan Palestınaǵa 1 mln AQSh dollar gýmanıtarlyq kómek aýdardy. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy “Adyrna” ulttyq portaly.
Gaza sektoryndaǵy apatty gýmanıtarlyq jaǵdaıdy eskere otyryp, Qazaqstan Palestına halqyna 1 mln AQSh dollary kóleminde gýmanıtarlyq kómek kórsetýge sheshim qabyldaǵan edi.
Bul sheshimdi Túrki memleketteri uıymynyń onynshy sammıti barysynda Qazaqstan prezıdenti jarııalady. Qazaqstan úkimeti bólgen qarajat BUU Taıaý Shyǵys agenttigine aýdaryldy. Uıym Palestına halqyna jeti onjyldyq boıy tótenshe jáne basqa da kómek kórsetetin jumystardy uıymdastyryp keledi. Aıta ketetin jaıt, gýmanıtarlyq qyzmet elimizdiń syrtqy saıasatynyń mańyzdy baǵytynyń biri. Beıbit saıasat pen ádildik qaǵıdattaryn ustanatyn Qazaqstan árdaıym qıyn gýmanıtarlyq jaǵdaıǵa tap bolǵan memleketterge qoldaý kórsetýge umtylady, - dedi Aıbek Smadııarov.
Eske sala keteıik, buǵan deıin Gaza sektorynda Qazaqstannyń 76 azamaty bar ekenin, el azamattary nege kele almaı otyrǵanyn jarııalaǵan edik.
