Qaraǵandy oblysy, Jańaarqa aýdanynda jergilikti qoǵamdyq belsendi Ǵaly Baqtybaevty atyp ketti. Bul týraly Feısbýk paraqshasynda Aısultan Jaqypov habarlady."
"Jańaarqada Ǵaly degen kisi bar edi. Jemqorlyqpen kúresetin, sotqa deıin baratyn adamtyn. Qosanov aǵamyzdyń jarnamalaryn ilip, jaqsy jumys istep júrgen. Sol kisini túnde atyp ketipti.
Jemqorlar tyqyr taıanǵanyn sezine bastady ma?
Marqumnyń tolyq aty-jóni Baqtybaev Ǵaly Ádiuly
Imandy bolyńyz Ǵaly aǵa!
Qanyńyz bosqa tógilmeıdi. Ýáde berem!" dep jazdy Jaqypov.
Jurttyń aıtýynsha, Ǵalyǵa aldynda bireýler eskertý jasap, uryp ketipti. Ǵalynyń ólimi saılaýǵa qatysty bolmaýy da múmkin. Sebebi ol kisi jemqorlarmen kúresip, sotqa deıin barǵan. Talaı paraqor, jemqordy áshkerelegen. Solardan kelýi de múmkin deıdi.
Al, Qosanovty qoldaý úshin plakattaryn ilip, halyqty úgittep, júgirip júrgeni ras deıdi jerlesteri.
Qosanovtyń saılaý aldy shtabyna habarlasqanymyzda Ǵaly Baqtybaev resmı ókili emes ekenin aıtty.
"Adyrna" ulttyq portaly
