Bilık tranzitı bastalǧanda jaŋa prezident pen eskı prezidenttıŋ keŋsesınde qatar qyzmet atqarǧan Abai Bisembaev soŋǧy kezde būrynǧy basşy Nūrsūltan Nazarbaevtyŋ konsileriı atanyp jür. Onyŋ eks-prezident qasynan tabyluy bır būl emes. Ol kım, būl ne?
Äleujelıde kei oqyrman eks-prezidentke qatysty keibır mälımetterdı ersı köretının jazady. Alaida eldı 30 jyl boiy üzdıksız bilep, memlekette bır äulettıŋ ǧana qas-qabaǧyna qaraityn jüie qalyptastyrǧan, halyqtyŋ qazırgı deŋgeiıne sebepşı bolǧan basşynyŋ ärbır qadamy qoǧam üşın maŋyzdy.
Juyrda eks-prezident Nūrsūltan Nazarbaevtyŋ tuǧan auylyna baryp, otbasy müşelerımen suretke tüskenı äleumettık jelıde jariialanǧan bolatyn. Ile şala belgılı jurnalist Äset Mataev eks-prezident öz dünie-mülkın konsileriı, iaǧni kömekşısı Abai Bisembaev arqyly dünie jüzı boiynşa satyp jatqanyn habarlady.
Abai Bisembaev kım jäne ol Nūrsūltan Nazarbaev üşın qanşalyqty senımdı azamat?
AQORDA MEN KITAPHANADA QATAR QYZMET ATQARǦAN
Qazır 56 jastaǧy Abai Bisembaev Aqmola oblysynda düniege kelgen. Iаǧni ol eks-prezidenttıŋ eŋ jaqyn tuysy bolatyndai Almaty oblysynan şyqpaǧan. Ol eŋbek jolyn ol 1984 jyly Kökşetau oblysynyŋ qūrylys-montaj basqarmasynyŋ jūmysşysy retınde bastaǧan. 1992-1994 jyldary Memlekettık mülık komitetınıŋ jetekşı mamany, bölım basşysy, jappai jekeşelendıru basqarmasynyŋ bastyǧy bolsa, 1994 jyly Ministrler Kabinetınıŋ Äkımşılık aumaqtyq damu bölımınıŋ bas inspektory qyzmetın atqarǧan. Odan keiın Prezident janyndaǧy Ekonomikalyq keŋesşıler keŋesınıŋ konsultanty, baǧaly qaǧazdar jönındegı ūlttyq komissiianyŋ müşesı (1995-1996) jäne 1996-1997 jyldary «Memlekettık azyq-tülık kelısım şart korporasiiasynyŋ» äuelı vise-prezidentı, keiın prezidentı bolyp şyǧa keledı. Keiın Abai Bisembaevtyŋ Prezident äkımşılıgınıŋ orynbasary bolyp qyzmetı köterıledı. 2012 jyly Prezidenttıŋ ıs basqaruşysy bolsa, 2019 jyldan 2022 jylǧa deiın, iaǧni Qaŋtar köterılısıne deiın Prezident ıs basqaruşysynyŋ bırınşı orynbasary bolyp qyzmet atqarady. Būl Prezident Toqaevtyŋ däuırıne tiesılı qyzmetı. Bır qyzyǧy ol (19.03.2019-04.2022) däl osy kezeŋde Tūŋǧyş prezidentı – Elbasynyŋ kömekşısı qyzmetın qatar atqarady.AIDOS SARYM BASYNAN ÖTKERGISI KELMEITIN TRAGEDİIа
Äset Mataevtyŋ aqparatyna sensek, Nūrsūltan Nazarbaev Almatyǧa köşudı josparlap otyr jäne onyŋ konsilerı Abai Bisembaev eks-prezidenttıŋ köptegen jyljymaityn mülıkterın satyp jatqan körınedı. Abai Aidarhanūlynyŋ esımı dünie mülıktı satudan būryn Qaŋtar köterılısı kezınde Nūrsūltan Nazarbaevty qūtqaruymen köpşılıktı esınde boluy kerek. Naqtyraq aitsaq, Aidos Sarym Orda news YouTube-arnasyna bergen sūhbatynda Qandy qaŋtar kezınde Nūrsūltan Nazarbaevty Bisembaev qūtqardy dep aitqan bolatyn. – Eks-prezident, Elbasynyŋ «Qaŋtar oqiǧasyna» eş qatysy joq şyǧar. Ol üşın būl naǧyz şok boldy. Barlyq tuysqandary Dubaiǧa qaşyp ketkende, ol Almatydan ūşyp keldı. Ol tıptı özınıŋ qauıpsızdık qyzmetıne de senbedı, ony kömekşısı Abai Bisembaev öz charterımen, öz jeke kölıgımen Almatydan alyp kettı. Sız tıptı būrynǧy prezidenttıŋ arnaiy qyzmetterge qatysty qandai därejede senımsızdık tanytqanyn elestete alasyz ba? Osy äuejaidy ekstremister basyp almai tūryp, ol Astanaǧa ūşyp ülgerdı. Bır ǧana fakt, bıraq būl – naqty fakt, eks-prezident özınıŋ küzetıne de, memlekettık küzet qyzmetıne de, komitetke de senbedı. Ony QR Prezidentı ısın basqaruşy bırınşı orynbasary Bisembaev qūtqaryp qaldy. Ol öz kölıgımen prezidenttı alyp kettı. Būl – ülken tragediia. Men mūndaidy öz basymnan ötkızgım kelmeidı, – degen edı Aidos Sarym. Osyndai qyzmettık ösu baspaldaqtary jäne Nazarbaevtyŋ senım testınen ötken Abai Bisembaev bylaiǧy jūrtqa eks-prezidenttıŋ qazyna qambasy siiaqty elesteidı. Uaqyt bır ornynda tūrmaidy. Qazır kemel şaǧyna kelıp tolysqan Abai Bisembaev ta künderdıŋ bır künınde memuar jazar. Ol memuary da bestseller bolar...Serık Joldasbai
«Adyrna» ūlttyq portaly
Ūqsas jaŋalyqtar
