QR Mádenıet jáne aqparat mınıstri Aıda Balaeva barlyq marapattarynan bas tartqan ánshi Álı Oqapovtyń áreketine qatysty taǵy da málimdeme jasady, dep jazady "Adyrna".
Aıda Ǵalymqyzy Oqapovtyń "Qurmet" ordenin qaıtarý nıetin jaǵymsyz jaıt dep atady.
"Álı Oqapov óz tarapyna aıtylǵan áleýmettik jelidegi heıtke emoıonaldy túrde jaýap berdi. Qazir qoǵamda sarapshylar qaptap ketti. Barlyq jaǵdaıǵa pikir bildirip otyratyndar jetedi. Sondyqtan da, Álı Oqapovpen áńgimelestik. Ol atalmysh jaǵdaıdy shyǵarmashylyq adam retinde emoıanaldy túrde qabyldady. Qazir ol óz-ózine keldi jáne másele sheshildi deýge keledi" dedi ol.
Eske sala keteıik, 27 qazan kúni ánshi Álı Oqapov óziniń barlyq mýzykalyq marapattarynan bas tartqan bolatyn. Bul sheshimge ony "Qurmet" ordenin alǵannan keıingi halyqtyń jaǵymsyz pikiri ıtermeledi. Respýblıka kúni qarsańynda prezıdent Toqaev elimizdegi birqatar ártisti memlekettik nagradalarmen marapattaǵan bolatyn.
