Aýlanǵan kıikterdiń múıizi Qytaıǵa satylatyn boldy. Aqbókenderdiń popýlıaııasyn aýlaý men atý arqyly rettep jatqan ekologııa mınıstrligi buǵan deıin eti men terisin satýdy el aýmaǵynda bastaǵan. Endi mınıstr Erlan Nysanbaev múıizin de kádege asyramyz dep otyr, dep habarlaıdy «Adyrna» tilshisi «KTK» arnasyna silteme jasap.
Ázirge olardy eksportqa shyǵarýǵa SITES halyqaralyq kelisimi kedergi keltirip tur. Oǵan sáıkes, keı janýardyń, onyń ishinde aqbókenniń derıvattaryn satýǵa bolmaıdy. Jaýapty vedomstvo ókilderi máseleni sheshú úshin Shveıarııaǵa shuǵyl attanypty. Kelissózder óz nátıjesin berse, múıizdi eksporttaý 2025 jyly bastalmaqshy.
Aıta keteıik, osy aptada ǵana atalmysh salanyń basy-qasynda júrgen jaýapty atqaminerler kıiktiń eti de, múıizi de shetel aspaıdy degen bolatyn. Alaıda mınıstrlik sheshiminiń bulaı tez ózgerýine aqbóken múıizine sheteldikterdiń shamadan tys suranysy sebep bolǵan. Ásirese shyǵys medıınasynda kıeli janýardyń múıizi taptyrmas dárilik preparat retinde qoldanylady. Biraq ázirge baǵasy belgilenbepti.
«Aqbókenderdiń múıizi shyǵys elderinde farmaevtıka salasynda keńinen paıdalanylady. Negizinen Qytaıda suranysqa ıe ekenin bilemiz ǵoı. Tek olardy eksporttaýǵa múmkindigimiz joq bolyp otyr. Sebebi CITES halyqaralyq uıymy janýarlardyń jekelegen túri, sonyń ishinde kıikterdiń bólikteri men derıvattaryn eksporttaýǵa tyıym salǵan. Qazir tyıymdy alyp tastaý boıynsha kelissózder júrgizip jatyrmyz»,—dedi Ekologııa jáne tabıǵı resýrstar mınıstri Erlan Nysanbaev.
Eske salaıyq, elimizde kıik atýdyń merzimi belgilengenin jazǵan edik.
