5 tamyzda STAR.VISION kompaniiasy Qytaidyŋ Şandun provinsiiasy jaǧalauyndaǧy teŋız platformasynan Samarkand-2028 jäne Lampung-1 giperspektraldy sputnikterın sättı ūşyrdy, dep habarlaidy «Adyrna» tılşısı Daryo agenttıgıne sılteme jasap.
"Samarkand-2028" sputnigı – Özbekstan tarihyndaǧy eŋ ırı halyqaralyq ǧaryş jobalarynyŋ bırı. Joba eldıŋ ūlttyq ǧaryş baǧdarlamasyn damytudyŋ jaŋa kezeŋın bastap qana qoimai, Özbekstan men Qytai arasyndaǧy ǧylymi-tehnologiialyq yntymaqtastyqty odan ärı nyǧaituǧa yqpal etpek.
Joba aiasynda Özbekstan ǧaryş agenttıgınıŋ mamandary sputniktıŋ borttyq jüiesıne arnalǧan arnaiy jasandy intellekt modulın äzırlegen. Būl tehnologiia giperspektraldy derekterdı tıkelei orbitada öŋdep, aqparatty beru men keiıngı taldaudyŋ tiımdılıgın arttyrady.
"Samarkand-2028" missiiasy ǧaryştyq tehnologiialardy auyl şaruaşylyǧynda, ekologiiada, tabiǧi resurstardy baqylauda, su resurstaryn basqaruda, tötenşe jaǧdailardyŋ aldyn aluda, qala qūrylysy men basqa da strategiialyq maŋyzdy salalarda qoldanu mümkındıgın keŋeitedı.
«Samarkand-2028» atauynyŋ simvoldyq mänı bar. Ol 2025 jyly Sidneide ötken Halyqaralyq astronavtika kongresınde (IAC) qabyldanǧan şeşımmen bailanysty. Soǧan säikes, 2028 jyly 79-şy Halyqaralyq astronavtika kongresı Samarqand qalasynda ötedı.
