Tarazda jeti aılyq bala saqına jutyp qoıǵan. Dárigerler náresteni aman alyp qaldy, dep habarlaıdy «Adyrna» ulttyq portaly.
Jambyl oblysy densaýlyq saqtaý basqarmasynyń málimetinshe, 7 aılyq náreste jutynýdyń qıyndaýy, mazasyzdaný shaǵymdarymen aýrýhanaǵa túsken. Ata-anasy bala bógde zat jutyp qoıǵanyn aıtqan. Jambyl oblystyq kópsalaly balalar aýrýhanasynyń qabyldaý bóliminde kishkentaı naýqasty hırýrg kezekshi Valıev qabyldaǵan. Nátıjesinde, aspaptyq zertteý ádisterin qoldaný arqyly balanyń óńeshinen metall zat saqına tabyldy.
Sondaı-aq bóten zatty alyp tastaý úshin hırýrgııalyq ota jasaý maqsatynda náreste shuǵyl túrde hırýrgııa bólimine jatqyzyldy.
«Muqııat daıyndyqtan keıin tájirıbeli dárigerler – balalar hırýrgııasynyń ordınatory Álimjan Áýkenov, anestezıolog Muratbaevtan quralǵan operaııalyq top operaııany sátti oryndap, emdelgennen keıin bala aman-esen úıine shyǵaryldy», – delingen habarlamada.
Aıta ketsek, osyǵan deıin bir jasar bala monshaq jutyp qoıyp, aýrýhanaǵa túsken edi.
«Adyrna» ulttyq portaly
