ShQO-da Naýryz meıramy qarsańynda jańa týǵan náresteler perzenthanadan ulttyq kıimmen shyǵarylýda, - dep habarlaıdy «Adyrna» ulttyq portaly, Tengrinews.kz-ke silteme jasap.
Naýryz meıramyna oraı Aıagóz aýdanaralyq aýrýhanasynda merekelik kóńil-kúı ornaýda. Perzenthanadan shyǵatyn alǵashqy bes nárestege ulttyq kıim kıgizip, erekshe dástúrmen úılerine shyǵaryp salyndy.
16-naýryzda Úrjar óńirinen eki, al Aıagózden úsh perishte dúnıege kelgen edi.
«Men Aıagóz aýdanaralyq aýrýhanasynda ekinshi sábıimdi dúnıege ákeldim. Kútpegen jerden dárigerler ulttyq kıimmen kelip, bizdiń balalarymyzǵa ulttyq naqyshtaǵy kıimder syıǵa tartyldy. Al úlkenderge Naýryz kójeden dám usynyldy», - deıdi Úrjarlyq ana Saıajan Sársenǵalı.
Medıınalyq mekeme sábılerge arnalǵan ulttyq kıimniń sanıtarlyq talaptarǵa sáıkes zararsyzdandyrylǵanyn aıtty.
Endi, meıram aıaqtalǵansha Aıagóz aýrýhanasynda dál osy formatta bosanǵan áıelder shyǵaryp salynbaq.
"Adyrna" ulttyq portaly
