Soltüstık Qazaqstan oblysynda su deŋgeiınıŋ kürt köterıluı şektı deŋgeiden joǧary bolady dep kütılude, dep habarlaidy “Adyrna” ūlttyq portaly Premer-Ministrdıŋ baspasöz qyzmetıne sıltep.
«Bügın Memleket basşysynyŋ tapsyrmasymen Qazaqstan Respublikasy Premer-Ministrınıŋ bırınşı orynbasary Roman Skliar su tasqynyna qarsy küres jūmystaryn retteu üşın Soltüstık Qazaqstan oblysyna bardy. Ol oblys äkımı Ǧauez Nūrmūhambetov pen memlekettık mekeme basşylarynyŋ qatysuymen öŋırdegı su tasqyny jaǧdaiy boiynşa jedel keŋes ötkızdı. Su tasqynynyŋ aǧymdaǧy jaǧdaiy turaly Soltüstık Qazaqstan oblysy Tötenşe jaǧdailar departamentınıŋ basşysy Erık Sarybaev, «Qazgidromet» SQOF direktory Qymbat Merǧalymova, «Qazavtojol» ŪK AQ filialynyŋ direktory Aqylbek Qabyldin baiandady. Oblysta kürdelı su tasqyny jaǧdaiy qalyptasqan. Su deŋgeiınıŋ kritikalyq deŋgeiden joǧary kürt köterıluı kütılude. Säuırdıŋ 5-ınen bastap Sergeev su qoimasynyŋ töbesınen su tasyp jatyr. Petropavl qalasynyŋ maŋynda alǧaşqy su tasulary alty künnen keiın, al su tasqynynyŋ şaryqtau şegı säuır aiynyŋ soŋynda bolady dep kütılude», - delıngen senbıdegı habarda.
Skliar su tasqynynyŋ qauıptı jaǧdaiynan saqtanu üşın barlyq küş-jıgerdı jūmsau kerektıgın atap öttı. Atap aitqanda, su tasqynynan zardap şekken azamattarǧa barlyq qajettı kömek körsetu boiynşa keşendı şaralardy qolǧa alu qajet. Kömektıŋ tez arada jäne qaǧazbastylyqsyz körsetılgenı maŋyzdy.
«Kezdesu qorytyndysy boiynşa Premer-Ministrdıŋ bırınşı orynbasary oblys basşylyǧyna halyqty evakuasiialau punktterın daiyndaudy, azyq-tülık pen därı-därmekpen qamtamasyz etudı, su basu qaupı töngen kezdegı özın-özı ūstau erejelerı boiynşa tūrǧyndar arasynda tüsındıru jūmystaryn jalǧastyrudy, qaptardy inerttı materialmen toltyru, olardy bır mezgılde su basu qaupı bar jerlerde şoǧyrlandyru, egıstıkterde erıgen sudyŋ jinaluyn tūraqty baqylaudy jüzege asyru, yqtimal su tasqynyn joiu üşın küşter men qūraldardyŋ täulık boiy daiyndyǧyn qamtamasyz etu, Sergeevskii, Chaglinskii jäne Seletinskii su qoimalarynan sudyŋ aǧuyn täulık boiy baqylau tapsyryldy», - delıngen habarlamada.
Ūqsas jaŋalyqtar
