Ükımet otyrysynda eldegı su tasqynynyŋ saldaryn joiu mäselesı qaraldy, dep habarlaidy "Adyrna" ūlttyq portaly.
QR Premer-Ministrı Oljas Bektenovtıŋ töraǧalyǧymen ötken mäjılıste vise-premer Qanat Bozymbaev zalaldy öteu algoritmıne säikes öŋırlerde atqarylyp jatqan ıs-şaralar turaly baiandady.
Otyrystaǧy mälımetke süiensek, 28 mamyrǧa deiın respublika boiynşa 30 myŋnan astam otbasy 100 AEK mölşerınde bırjolǧy tölem alǧan. Su tasyǧan aimaqtarda 15 myŋnan astam üi men saiajai qūrylystary tekserılıp, 11 134-ı boiynşa baǧalau jürgızıldı.
Vise-premer Batys Qazaqstan oblysynda su basqan 4 myŋ üidıŋ 2 176-ı (54%) tekserılıp, 770 üige baǧalau jürgızılgenın, Aqtöbe oblysynda 3 679 üi tekserılıp (73%), 1673 üi baǧalanǧanyn mälımdedı. Al Atyrau, Aqmola, Qostanai jäne Soltüstık Qazaqstan oblystarynyŋ äkımdıkterı tasqynnan zaqymdanǧan üilerdı tekseru jäne baǧalau jūmystaryn aiaqtaǧan. Jalpy elımız boiynşa 9 myŋnan astam üi qalpyna keltırıluge bolatyn qūrylys qataryna jatady. 4 315-ı apatty jaǧdaida dep tanylypty.
Biyl öŋırlerde 1 847 üi men päterdıŋ qūrylysy bastalsa, qaitalama naryqtan 3 417 tūrǧyn üi satyp alu josparlanyp otyr.
«Äkımdıkterge Önerkäsıp ministrlıgımen bırge tūrǧyndardyŋ baspanalary men mülıkterıne keltırılgen zalaldy baǧalau jūmystaryn osy aptanyŋ soŋyna deiın aiaqtaudy tapsyramyn. Azamattarymyzdyŋ qiyn jaǧdaiyna tüsınıstıkpen jäne jan-jaqty mūqiiat qaraŋyzdar. Jūmystardy keşıktırmei, barynşa tezdetu kerek. Qanat Aldabergenūly, qataŋ baqylauda ūstaŋyz», — dedı Ükımet basşysy Oljas Bektenov.
Ūqsas jaŋalyqtar
