«Kıeli meken» aptalyǵy aıasynda ShQO-daǵy mekemeler men kásiporyndardyń ujymdary, jergilikti atqarýshy organdardyń ókilderi, jastar men turǵyndar tarıhı-mádenı eskertkishterdiń aýmaǵyn abattandyrýda.
Óskemendegi Qabanbaı batyr eskertkishiniń mańynda senbilik bastaldy. 2014 jyly ashylǵan bul alty metrlik monýmenttiń avtory – Nurlan Dalbaı. Aty ańyzǵa aınalǵan qolbasshy at ústinde beınelegen.
– Abattandyrýdy naq osy Qabanbaı batyr eskertkishinen bastaǵanymyzdyń ózindik máni bar. Bul – jaı ǵana monýmentaldy tarıhı-mádenı nysan emes, qasıetti oryn! Sondyqtan osy aýmaqty tártipke keltirip, abattandyrý óte mańyzdy, – deıdi ShQO Qoǵamdyq keńesiniń múshesi Aldııar Áýbákirov.
«Taza Qazaqstan» akııasyna qatysýshylar qys mezgilinde eskertkishtiń aınalasyna jınalyp qalǵan búkil qoqysty tazartty. Bir apta ishinde olar Shyǵys Qazaqstandaǵy basqa da kıeli oryndardyń aýmaǵyn retke keltiredi.
Esterińizge sala keteıik, Memleket basshysy Qasym-Jomart Toqaevtyń bastamasymen elimizde «Taza Qazaqstan» akııasy ótip jatyr. Ol bes aptaǵa sozylady, ár apta belgili bir taqyrypqa arnalǵan.
