Ükımet su tasqynynan zardap şekken bılım beru mekemelerın qalpyna keltıruge qarjy böldı, dep habarlaidy "Adyrna" ūlttyq portaly.
Köktemgı su tasqynynan zardap şekken bılım beru mekemelerı men ūiymdaryn qalpyna keltıru jūmystary jalǧasyp jatyr. Sol sebeptı Ükımettıŋ tötenşe rezervınen qosymşa qarajat bölındı. Tiıstı qaulyǧa Premer-Ministr Oljas Bektenov qol qoidy.
«Bölıngen qarajattyŋ jalpy somasy – 7,5 mlrd teŋge. Būl qarajat bülıngen nysandardy qalpyna keltıruge, sondai-aq qiraǧan nysandardyŋ ornyna jaŋa bılım beru mekemelerın saluǧa jūmsalady. Qostanai oblysynda Jangeldin audanyndaǧy Aisa Nūrmanov atyndaǧy mektep ǧimaratyn jöndeu josparlanǧan. Aqmola oblysynda Atbasar qalasynda №1 mektep, Atbasar audany Sergeevka auylynda «Esıl» sauyqtyru keşenı, sondai-aq Derjavinsk qalasynda Abai atyndaǧy mektep salynady. Aqtöbe oblysynda Kötıbar batyr atyndaǧy mektep jäne Mūǧaljar audanyndaǧy «Balausa» balabaqşasy, Oiyl audanyndaǧy «Balböbek» mektep-baqşasy men balabaqşasy, Ekpetal mektebı qamtylady» dep mälımdedı ükımet.Bölıngen qarajat jergılıktı atqaruşy organdarǧa bülıngen ǧimarattardy aldaǧy oqu jyly bastalǧanǧa deiın uaqytyly qalpyna keltıruge mümkındık beredı dep josparlanǧan.
