10 qaraşa künı Şymkent qalalyq mamandandyrylǧan äkımşılık soty «Jala jabu» babymen sotqa tartylǧan jurnalist Marina Nizovkinanyŋ ısın toqtatty. Būl turaly «Ädıl söz» halyqaralyq söz bostandyǧyn qorǧau qory mälımdedı, dep habarlaidy «Adyrna» ūlttyq portaly.
«Nizovkina Marina Viktorovnaǧa qatysty QR ÄQBtK 2 – bölıgınıŋ 3-tarmaǧynyŋ 73-baby boiynşa qozǧalǧan äkımşılık ıs toqtatylsyn», - dep qaulyny sudia Serık Niiazbek jariialady.Ermahan Äbdıramanov Marina Nizovkinany adamnyŋ ar-namysy men qadır-qasietıne nemese onyŋ bedelıne nūqsan keltıretın körıneu jalǧan aqparat taratty dep aiyptaǧan bolatyn. Äleumettık jelıdegı ekı jariialanym sotqa deiın jetken.
«2023 jyldyŋ 11 qyrküiegınde inspektorlar polisiia bastyǧyn kölıktı jalǧan nömırmen jürgızgen degen küdıkpen toqtatqan. Al 2023 jyldyŋ 13 şıldesınde ol özınıŋ fotosuretı bar «jalǧan jazbany» körgen», – dep habarlaidy Qor.Jurnalist Şymkent qalasy boiynşa sot saraptamalary institutynyŋ «QR ÄM Sot saraptamalary ortalyǧyna» jügındı jäne sarapşylar poliseidıŋ ar-namysyna, qadır-qasietıne jäne ıskerlık bedelıne nūqsan keltıretın terıs mälımetter joq degen qorytyndyǧa keldı. Aitalyq, atalǧan ıs şılde aiynda Şymkent qalalyq PD bastyǧynyŋ bırınşı orynbasary Ermahan Äbdıramanov jurnalist Marina Nizovkinany jala japty dep aiyptaǧan. Būǧan jurnalistıŋ Instagram jelısındegı jeke paraqşasynda jariialanǧan ekı jazbasy sebep bolǧan.
«Adyrna» ūlttyq portaly
