Zamanbek Nūrqadılov - täuelsız Qazaqstannyŋ eŋ ırı, eŋ biık saiasi tūlǧasy. Avtoritarly bilıkpen aşyq küres jürgızgen naǧyz jaujürek, jauynger azamat. Halqy üşın qaltqysyz eŋbek etken ūltynyŋ bırtuar ūly.
Özınıŋ tuǧan elın, tuǧan ūltyn şeksız süie bılgen, ärı sol jolda jany qūrban bolǧan süiegı asyl er.
Z.Nūrqadılov turaly jazylǧan eŋbekter men estelıkter ol kısınıŋ jaǧympazdyq pen ekıjüzdılıkke jany qas bolǧan şynşyl, qiyndyqtan qaimyqpaityn, qatenı betke aita bılgen turaşyl tūlǧa bolǧanyn aiǧaqtaidy.
Almaty qalasy men Almaty oblysynyŋ būrynǧy äkımı, būrynǧy tötenşe jaǧdailar jönındegı agenttık basşysy bolǧan marqūm Zamanbek Nūrqadılov osydan 18 jyl būryn, däl osy qaraşanyŋ 12-ı künı Almatydaǧy üiınde jūmbaq jaǧdaida qaza
tapty.
Resmi tergeu Nūrqadılov öz-özın atyp qaza bolǧan degen qorytyndy jasady. Bıraq köpşılık sol kezdegı N.Nazarbaev bilıgın synaǧan qairatker qastandyqtyŋ qūrbany bolǧan dep esepteidı.
Asyl kezdık qyn tübınde jatpaidy. Jaŋa Qazaqstannyŋ qūrylǧany ras bolsa, elın süigen erdıŋ jūmbaq ölımınıŋ şyndyǧy aşyluy, aityluy tiıs. Aqiqattyŋ aşylu jolynda Z.Nūrqadılovpen tonnyŋ ışkı bauyndai jaqyn aralasqan adam - sol uaqyttaǧy oppozisiia ökılı, qazırgı mäjılıs deputaty Ermūrat Bäpi tūruy tiıs. Būl adamdyq boryş, ar aldyndaǧy amanat.
Qazaǧymnyŋ maŋdaiyna syimai ketken azamat är qazaqtyŋ jüregınde qaisarlyqtyŋ sivoly retınde mäŋgı saqtalmaq. Asyl erdıŋ esımı ūmytylmaidy.
