Qyrǵyz depýtattary betin jaýyp turatyn kıim kııýge jáne kólemdi saqal qoıýǵa tyıym salýdy usyndy. Zańǵa engizilgen tıisti túzetýler qazirdiń ózinde qoǵamdyq talqylaýǵa shyǵaryldy, dep habarlaıdy "Adyrna" portaly 24.kz saıtyna silteme jasap.
Negizdemede atap ótilgendeı, zań jobasy «qaýipsizdikti qamtamasyz etý qajettiligi men jeke basyn sáıkestendirý jáne azamattardyń quqyqtaryn saqtaý arasyndaǵy teńgerimdi saqtaýǵa» baǵyttalǵan.
«Ol memlekettik organdardyń qoǵamdyq oryndarda jeke basyn sáıkestendirýdi shekteıtin paranja (betti jabatyn musylmandyq kıim) jáne kólemdi saqal taǵýdyń aldyn alý jáne jolyn kesý úshin ázirlengen. Aıta ketý kerek, mundaı zańdar adam quqyqtarynyń negizgi qaǵıdattaryn, sonyń ishinde jeke ómirge qol suǵylmaýshylyq pen jeke bas bostandyq zańyn qurmetteýge tıis», - delingen qujatta.
Qosa ketsek, sheteldikter men dıplomattardyń saqaldaryna qatysty tyıym salý olarǵa qoldanylmaıdy.
