Bügın Almatydaǧy saiasi quǧyn-sürgın qūrbandaryn eske alu eskertkışıne qala tūrǧyndary jinalatyn kün. Kesırlı Keŋes kezındegı Stalindık repressiianyŋ, sovettık qyzyl maşinanyŋ astynda ūlt qaimaqtary janyştalǧan bolatyn.
Keleşegımdı kemeldı, ūltymdy bedeldı etemın dep atqa qonǧan Alaş arystarynyŋ ışınen ıleude bıreuı bolmasa, qandy qasaptan eşqaisysy qūtylmady.
Sol arystardy eske saqtau maqsatynda "Abai" ūlttyq portaly men "Adyrna" ūlttyq portaly Alaş qairatkerlerınıŋ portretterımen qūrbandar eskertkışıne baryp, bozdaqtar ruhyna täu ettı. Jinalǧan köpşılık jurnalisterdıŋ qolyndaǧy portrettermen fotoǧa tüsıp, osy bastamanyŋ jyldan-jylǧa qūlaşyn keŋ jaisa degen tılegın bıldırdı.
"Alaş tuy astynda,
Kün söngenşe sönbeimız.
Endı Alaşty eşkımnıŋ,
Qorlyǧyna bermeimız.
Jasasyn, Alaş, jasasyn!!!
[video width="1280" height="720" mp4="https://adyrna.kz/content/uploads/2019/05/fg.mp4"][/video]
Ökınıştısı, "Mäŋgılık polk" dep, jarty kün qalada ersılı-qarsyly aǧylǧan jūrtşylyqtyŋ, ūlttyŋ qaraly paraǧyna ainalǧan künı töbe körsetpegenı būl bızdıŋ ūlttyq sanamyzdyŋ qanşalyqty deŋgeide ekenın körsetse kerek. Bıle bılsek, bügıngı ūrpaq üşın aşarşylyqta ölgen är qazaq ata-babasy. Sol üşın 31 mamyr är qazaqtyŋ şaŋyraǧyndaǧy qaraly kün. Almaty qalasynyŋ äkımı Bauyrjan Baibek qatysqan jiyn 20 minuttan da aspady. Bolaşaqta osy baǧytta ideologiiaǧa jauapty organdar jūmystar atqarsa.
"Adyrna" ūlttyq portaly
