Biyl mamyr aiynda 5 jasar qyzǧa jynystyq sipattaǧy zorlyq-zombylyq jasady aiyptalǧan 22 jastaǧy jıgıtke sot ükım şyǧardy. Ol kınälı dep tanylyp, 20 jylǧa bas bostandyǧynan aiyryldy, dep habarlaidy "Adyrna" portaly.
«30 qazanda sot ükımımen sottaluşy azamat «Kämeletke tolmaǧanǧa qatysty seksualdyq sipattaǧy zorlyq-zombylyq äreketterı» baby boiynşa kınälı dep tanyldy. Sot oǧan jazasyn 20 jylǧa qauıpsızdıgı ortaşa tüzeu koloniiasynda öteuge ükım ettı. Sondai-aq oǧan ömır boiyna pedagogikalyq qyzmetpen ainalysu jäne kämeletke tolmaǧandarmen jūmys ısteu qūqyǧynan aiyru türındegı qosymşa jaza taǧaiyndady. Ükım zaŋdy küşıne engen joq», - dedı Türkıstan oblystyq sotynyŋ baspasöz hatşysy Äset Serıkbaev.
Eske salaiyq, jaǧa ūstatarlyq oqiǧa jarty jyl būryn Arys auylynda bolǧan. Kuägerlerdıŋ aituynşa, zorlaǧan körşısı qylmysty kündız jasaǧan. Kışkentai qyzdyŋ äkesı aulada kölıgın jöndep jatqanda, qyzyn üiıne jıbergen. Alaida üidıŋ kıreberısınde ony pedofil ūstap alǧan. Bala äreŋ degende er adamnyŋ qolynan sytylyp syrtqa şyǧyp, bolǧan jaǧdaidy äkesıne aityp bergen. Jergılıktı tūrǧyndar polisiiany kütpei, pedofildı soqqyǧa jyǧady. Olar ony tärtıp saqşylary kelgenşe ūstap tūrǧan.
Sottaluşy kınäsın moiyndap, sol künı ışıne jyn kırıp ketkenın aitqan. Onyŋ boiyn bilegen «jynnyŋ küşı» sudianyŋ şeşımıne äser ete alǧan joq. Pedofil endı bostandyqqa 42 jasynda bır-aq şyqpaq. Qyz balanyŋ tuystary sot ükımıne qarsylyq bıldırmedı.
Ūqsas jaŋalyqtar
