Atyrauda Mamandandyrylǧan audanaralyq ekonomikalyq soty äskeri qimyldardan zardap şekkenderge gumanitarlyq kömek körsetu maqsatynda qūrylǧan «Slava Ukrainy» qaiyrymdylyq qorynyŋ tırkeuın joiu turaly şeşım şyǧardy, dep habarlaidy «Adyrna» ūlttyq portaly Adam qūqyqtary men zaŋdylyqty saqtau jönındegı Qazaqstan halyqaralyq biurosyna sılteme jasai otyryp.
Jeke qor Atyrau oblysynyŋ Ädılet departamentınde 10 tamyzda tırkelse, 25 tamyzda sol basqarma memlekettık tırkeudı jaramsyz dep tanu jäne ūiymdy mäjbürlep taratu turaly talap aryzben sotqa jügıngen. Taratu turaly şeşımnıŋ özı 2023 jyldyŋ 3 qaraşasynan bastalǧan.
Talap qoiuşy talap aryzynda ūiym Jarǧysynyŋ zaŋ normalaryna säikes kelmeitındıgıne dälelder keltırgen.
Būl qordyŋ basşysy Tūrarbek Qūsaiynov demeuşılerdıŋ qoldauymen Ukrainada zardap şekkenderge bes million teŋge kölemınde gumanitarlyq kömek jıberıp ülgergen. Būl äreket soltüstık körşılerımızge onşa ūnamaǧan şyǧar, sondyqtan bızdıŋ memleket būl jobadan qūtylu turaly būiryq alǧan, dep esepteidı Qūsaiynov.
Reseidıŋ Ukrainaǧa jasaǧan şabuylynan keiın Almatyda ukrain halqyn qoldauǧa arnalǧan kelısılgen şeru, sondai-aq elde ondaǧan şaǧyn aksiialar öttı. Alaida soŋǧy bır jylda Ukraina halqymen yntymaqtasu aksiialaryn ötkızuge qatysty barlyq habarlamalar qazaqstandyq şeneunıkterdıŋ qarsylyǧyna tap bolǧan.
«Adyrna» ūlttyq portaly
Ūqsas jaŋalyqtar
