«Atyrau qalalyq qūrylys bölımı» memlekettık mekemesı 3-qaraşada jalpy qūny 1 milliard 267 million teŋge bolatyn ekı tender jariialady, - dep habarlaidy Adyrna ūlttyq portaly Satypalu.gov.kz/ saityna sılteme jasap.
«Atyrau qalasynan 2 bölmelı päter satyp alu» degen ataumen jariialanǧan bırınşı memlekettık satyp aludyŋ qūny - 527 250 000.00 teŋgege baǧalanǧan. Būl qarjyǧa ekı bölmelı 19 üi satyp alynbaq. Qalalyq qūrylys bölımı är ekı bölmelı üidı satyp aluǧa 27 750 000 teŋge bölgen.
Al, ekınşı tender däl sol künı «Atyrau qalasynan 3 bölmelı päter satyp alu» degen ataumen jariialanyp, 20 üi satyp aluǧa şeşım şyǧarylǧan. 20 üi aluǧa oblystyq biudjetten 740 000 000.00 teŋge jūmsalmaq. Iаǧni, qūrylys bölımı ekı bölmelı 19 päterdıŋ ärqaisysyn 27 750 000 teŋgege, üş bölmelı 20 päterdıŋ ärqaisysyn 37 000 000 teŋgege satyp almaq.
Jalpy 39 üidı satyp aluǧa baǧyttalǧan ekı tenderdıŋ qūny 1 milliard 267 million teŋgenı qūraidy.
Tehnikalyq sipattamanyŋ «Lottyŋ sipattamasy» degen bölımınde 3 bölmelı üidıŋ alaŋy 40-60, 2 bölmelı üidıŋ alaŋy 20-40 şarşy metrden kem bolmauy kerektıgı körsetılgen. Al, «Funksionaldyq, tehnikalyq, sapalyq jäne paidalanu mınezdemesın sipattau» degen bölımde üş bölmelı päterdıŋ audany kemınde 97, ekı bölmelı päterdıŋ audany 75 şarşy metrden kem bolmauy qajettıgı turaly jazylǧan. Sondai-aq, üidıŋ är şarşy metrınıŋ qūny 370 000 teŋgeden aspauy kerektıgı de körsetılgen.
Tehnikalyq sipattamadaǧy būl säikessızdık qatelık pe? Atyrau qalalyq qūrylys bölımı üşın 97 şarşy metr men 40-60 şarşy metr aumaqtyŋ aiyrmasy joq pa?
Memleket äleumettık tūrmysy tömen otbasylar men mümkındıgı şekteulı jandardy baspanamen qamtamassyz etu maqsatynda türlı baǧdarlamalardy jüzege asyryp kele jatyr. Atyrau qalalyq qūrylys bölımı sol baǧdarlama aiasynda satyp alǧaly otyrǧan üilerdıŋ şarşy metrın jaŋyltpaşqa ainaldyryp otyruynyŋ astarynda ne bar?
Būl sūraqty tiıstı mekemege joldadyq. Jauaby kelıp jatsa, dereu jariialaityn bolamyz.
Qanat Bırlıkūly
Adyrna ūlttyq portaly
