Prokýror májilistiń burynǵy depýtaty Nurjan Áltaevty 12 jylǵa sottaýdy surady. Bul týraly tirkelmegen «El tiregi» partııasynyń jetekshisi, zańger Gúlshat Dúısenova aıtty, dep habarlaıdy “Adyrna” ulttyq portaly.
Eks-depýtat “asa iri kólemde para alý” baby boıynsha kúdikke ilingen. Ol ózine taǵylǵan aıyptardy moıyndamady. Advokaty muny “saıası tapsyrys” dep atap, quqyq qorǵaýshylar Áltaevty “saıası tutqyndar” qataryna qosty. Al is boıynsha sot otyrystary jabyq ótip jatyr.
Sybaılas jemqorlyqqa qarsy is-qımyl agenttiginiń habarlaýynsha, Nurjan Áltaev 2018-2020 jyldary Eńbek jáne halyqty áleýmettik qorǵaý vıe-mınıstri jáne májilis depýtaty bolǵan kezinde 50 mıllıon teńgege jýyq para alǵan.
