Qazaqstan Respýblıkasynyń Memlekettik keńesshi Erlan Qarın Eýro-2024 chempıonatynda óner kórsetken Qazaqstan ulttyq quramasyna qoldaý bildirip, ınstagram jelisinde jazba jarııalady, dep habarlaıdy «Adyrna» ulttyq portaly.
«Ulttyq qurama Euro-2024 chempıonatyna irikteý oıyndaryn óte jaqsy ótkizdi. Slovenııamen ótken kezdesý sonyń aıqyn kórinisi. Ramazan Orazov esepti teńestirgende, tutas Qazaqstan demin ishine tartyp, jigitterdiń joryǵy Germanııada jalǵasatyndaı áserde otyrǵany jasyryn emes. Degenmen tikeleı joldama bul joly buıyrmapty. Qalaı desek te, jigitter jarady! Qazaqstan fýtbolynyń óskenin, ózgelerdiń sanasýy kerek ekenin, endi burynǵydaı bolmaıtynyn dáleldedi. Jankúıerlerge jiger, elge qýanysh syılaǵan ulttyq quramaǵa myń alǵys! Qazaqstan fýtbolynyń damýyna úlken serpilis ákelgenderińiz úshin rızamyz. Jigitter munymen toqtap qalmaıdy degen senimdemiz. Jurtshylyqty áli talaı jeńistermen, jetisiktermen qýanta beretini anyq. Raqmet, ulttyq qurama!», - deıdi saıasatker.
Sondaı-aq jeli qoldanýshylary da otandyq fýtbolshylarymyzǵa shynaıy lebizderin bildirip jatyr. «Jigitter, raqmet, kúshti oıyn boldy», «Orazov pen Samodorov sońyna deıin júgirdi ǵoı, fýtbolymyz damı bersin, myqty oıynshylar», «Qazaqstan, alǵa! Jeńis áli alda», – dep pikirler qaldyrǵan.
Eserińizge sala keteıik, ótken túni Qazaqstan ulttyq quramasy Slovenııa fýtbol komandasymen 2:1 esebimen oıyndy aıaqtaǵan bolatyn.
«Adyrna» ulttyq portaly
