Qazaqstan Prezıdenti Ulybrıtanııanyń bıznes jáne saýda isteri boıynsha memlekettik mınıstri Nýsrat Ǵanıdi qabyldady, dep habarlaıdy «Adyrna» ulttyq portaly.
El prezıdenti Qasym-Jomart Toqaev Ulybrıtanııanyń memlekettik mınıstri Nýsrat Ǵanımen kezdesip, Ulybrıtanııa Qazaqstannyń negizgi saýda seriktesiniń biri jáne el ekonomıkasyna ınvestıııa salý kórsetkishi boıynsha jetinshi ınvestor ekenin jetkizdi.
Memleket basshysynyń aıtýynsha, Qazaqstanda 550-den astam brıtandyq kásiporyn, olardyń arasynda Shell jáne Ernst & Young sııaqty jetekshi kompanııalar bar.
Al eki el arasyndaǵy taýar aınalymy byltyrǵy jyly 60%-ǵa artyp, 1,8 mıllıard dollardy quraǵan.
Biz Londonmen saýda jáne ınvestıııa salalaryndaǵy baılanystarymyzdy keńeıtýge múddelimiz. Brıtandyq taraptyń da Qazaqstanmen jan-jaqty yntymaqtastyqty damytýǵa nıet tanytyp otyrǵanyn erekshe atap ótkim keledi, – dedi Prezıdent.
Óz kezeginde Nýsrat Ǵanı qurmet kórsetkeni úshin Qasym-Jomart Toqaevqa jáne Qazaqstan halqyna rızashylyǵyn bildirip, Ulybrıtanııa tarapy ekijaqty baılanystardy damytýǵa basa mán beretinin atap ótti.
«Adyrna» ulttyq portaly