ŞYŪ Bas hatşysy sailaudaǧy "karusel" turaly aitty

 Şanhai yntymaqtastyq ūiymnyŋ bas hatşysy Vladimir Norov bastaǧan baiqauşylar toby sailaudy baqylau üşın elordaǧa keldı, dep habarlaidy Sputnik Qazaqstan tılşısı. Onyŋ aituynşa, ŞYŪ missiiasy 25 adamnan tūrady. Olardyŋ denı – ūiymǧa müşe memleketterdıŋ zaŋ şyǧaruşy, atqaruşy jäne sailau organdarynda jūmys ısteitın qyzmetkerler.

ŞYŪ missiiasy qai qalalarda jüredı

"Bızdıŋ missiiamyz baqylau şaralaryn bastap kettı deuge bolady. Qazırgı kezde olar sailauǧa daiyndyq mäselelerın qadaǧalap jür. Ūiymnyŋ ökılderı Qazaqstannyŋ jetı qalasyna jıberıldı. Olardyŋ ışınde Nūr-Sūltan, Almaty, Şymkent, Türkıstan, Qaraǧandy, Atyrau men Öskemen bar. Būdan bölek, osy qalalar kıretın alty aimaqty qamtimyz", - dedı Norov Ortalyq sailau komissiiasynda ötken birfingte. ŞYŪ baqylauşylary 7 mausymda sailaudy ūiymdastyru şaralaryna qadaǧalauǧa tolyǧymen kırısedı. Al 9 mausymda dauys berudı jan-jaqty baqylaidy.

"Ärine, Qazaqstannyŋ sailau zaŋnamasynda köp jaŋalyqtar engızıldı. Ondai täjıribe Şanhai yntymaqtastyq ūiymyna müşe memleketter üşın ülgı bolady dep senemız. Qazaqstanda äiel adam alǧaş ret prezidenttık sailauda öz kandidaturasyn ūsynyp otyr. Sosyn ärbır kandidattyŋ sailaualdy baǧdarlamasynda da bıraz mäsele köterıldı", - dep atap öttı Norov.

 "Karusel" qaitalanbai ma?

Ūiym basşysynyŋ sözıne qaraǧanda, äzırşe zaŋ būzuşylyqtar anyqtalǧan joq. Degenmen, Qazaqstandaǧy prezident pen parlament sailaularyn baqylau täjıribesıne säikes, tärtıp būzuşylyqtar azaiyp keledı. "Şanhai yntymaqtastyq ūiymynyŋ baiqauşylary osymen 10 ret Qazaqstandaǧy sailau nauqanyn qadaǧalauǧa kelıp otyr. Osyny eskere otyryp, bır närsenı erekşe atap ötkım keledı, būryn halyqaralyq baiqauşylar aitqan mäselelerdıŋ köbısı şeşıldı. Mäselen,  "karusel" degen närse bar. Ondaida bır üidıŋ otaǧasy... Endı, atalǧan tärtıp būzuşylyqtar tolyǧymen joiyldy deuge bolady" , - dedı Norov.   Aita keteiık, sailau kezındegı "karusel" dauys beru nätijelerın būrmalaudyŋ bır täsılı bolyp sanalady. Halyq arasynda ony "vertolet","kruiz" dep te atai beredı. Ondaida sailauşylarǧa aqşa berıp, olarǧa bırneşe uchaskede dauys beruge mümkındık jasaidy. Osy topqa kıretın adamǧa aldyn ala toltyrylǧan biulleten berıledı. Tärtıp būzuşy ony jäşıkke salady da, jaŋasyn qaitadan sol adamdarǧa bere salady. Ol biulletendı taǧy aldyn ala toltyryp, "karuselmen" jıberıp otyrady.