Sondai-aq, analardyŋ bırı "2019-jyldyŋ 31-mamyr künı Temiriazov pen Jorokov köşelerınıŋ qiylysynda ornalasqan Tūrǧyn üi basqarmasy maŋynda Säule menı mitingke şyǧuǧa ügıttedı. Eger mitingke şyqsaŋ saǧan üi mäselesın şeşıp beremın dep aitty" dep şaǧym tüsırgen. Äzırge aryzdanuşylardyŋ arasynda Ūljalǧas Satqynbekova degen kelınşektıŋ ǧana esımı belgılı bolyp otyr.
Bız būl jaǧdaiǧa qatysty Säule Äbıldahanqyzy men onyŋ advokaty Abzal Qūspan myrzanyŋ pıkırın bılgen edık.
Säule Äbıldahanqyzy, jurnalist: “Būl küştık qūrylymdardyŋ qoldan ūiymdastyryp otyrǧan jalasy”
- Būl tap-taza jala. Būl küştık qūrylymdardyŋ maǧan qarsy qoldan ūiymdastyryp otyrǧan düniesı. Jäne de analardyŋ saǧyn syndyru üşın bar oilap tapqan täsılderı. Onyŋ üstıne men “Qosanovty qoldaiyq”, “Azamatttyq qoǧam qūraiyq” dep halyqqa köbırek ündeu jasap jürmın ǧoi. Menıŋ sondai pozisiiam arqyly halyq oianyp ketpesın, osy halyqty türtıp, oiatyp jür, osy bıreudıŋ auzyn jabaiyq degen-au şamasy. Iаǧni, būl qoldan ūiymdastyryp, jasap otyrǧan qitūrqy äreketı.
Ūljalǧas Satqynbekova degen adamdy ömırımde körgen emespın, tanymaityn, bılmeitın adam. Ol da poliseilerdıŋ ädeiı ūiymdastyryp otyrǧan öz adamy dep esepteimın.
Men eşqaşan bıreuden bır tiyn alǧan emespın. Jaǧdaiy tömen 5 anany tıkelei efirge şyǧaryp, “Būl analardyŋ kartochkalary joq eken. Osylarǧa kömektesemın degenderıŋ menıŋ kartama aqşa audaruǧa bolady” dedım. Bıraq, ol kısılerge audarylǧan aqşa kartochkada tūr. Qanşa tüskenı de, men kımge qanşa artyǧymen kömekteskenım de tūr. Sondyqtan, ol tüsken aqşanyŋ ärbır tiyny üşın esep bere alamyn. Al, basqa eşqaşan eşkımnen özım üşın bır tiyn alǧan joqpyn. Almaimyn da. Men ekı balamen jalǧyz, jesır qalyp, bır üzım nan, jeitın tamaq tappai otyrǧan kezde de eşkımge alaqan jaiǧan emespın. Ol menıŋ azamattyq ar-ojdanyma, ömırlık prinsipterıme, qaǧidalaryma jat närse.
Al, menıŋ analardy aşyq mitingke şaqyrǧanymdy däleldesın. Ol da ötırık, jala.
Abzal Qūspan, zaŋger: “Men Säulenı jalanyŋ qūrbany qylyp qarap otyra almaimyn”.
- Būl baryp tūrǧan - provakasiia. Bilıktıŋ qoldan ūiymdastyryp otyrǧan şarasy. Ökınışke qarai, bızdıŋ qūqyq qorǧau organdary mūndai ıspen öte jiı ainalysady. Osyndai qoldan ūiymdastyrylǧan ıs-şaralardy toqtatpaityn bolsaq, bız eşqaşan el bolmaimyz. Mūny talai jerde aitqanmyn.
Säulenıŋ aityp jürgen syn-pıkırlerınıŋ barlyǧy damyǧan, örkeniettı elderde qalypty jaǧdai. Eşkım būl memleketke riza boluǧa mındettı emes. Būl syn-pıkırge bailanysty tek, Qazaqstan siiaqty damymai qalǧan meşeu elderde bolatyn reaksiia.
Säule qandai zaŋsyz ıske bardy? İä, qoǧamda osyndai zaŋsyzdyqtar jalǧasa beretın bolsa, mitingke şyǧamyn dedı. Bıraq, eşkımdı mitingke şaqyrǧan joq. Soǧan bola adamdardan aryz jinap alyp ūiymdastyrudyŋ tük te qiyndyǧy joq. Onyŋ chatynda 70 myŋnan astam ana otyrdy. 70 myŋnyŋ ışınen 7 adam tauyp, ötırık aryz ūiymdastyru olar üşın tük emes. Bızdıŋ adamdar ökınışke qarai, osyndai ötırıkterge jiı barady. Bız jala jabuǧa bolmaitynyn tüsınbei kele jatyrmyz. Bıraq, ainalyp kelgende sol adamdardyŋ özderı zardap şegedı. Erteŋ sol aryz jazǧandardyŋ özderınıŋ balalary solai ıstı bolady. Sondyqtan, bız bıreudıŋ obalyna qaluǧa bolmaitynyn tüsınuge tiıspız.
Bızde kez-kelgen adamǧa jala japqyzyp, halyqtyŋ aldynda bedelı men tanymaldyǧy artyp bara jatqan adamdarǧa osyndai las äreketter qoldanady. Mūny polisiia da, qūqyq qorǧau organdary da ony jaqsy bıledı.
Men özım Jaŋaözen sotyna qatysqan kezımde, maǧan qaita-qaita polisiia tarapynan eskertu jasalǧan. 74 jäbırlenuşını jalǧyz özım qorǧap jatqanda “kelmei-aq qoi” degen sms-ter, telefonmen habarlar tüsken. Sol kezde bır äiel menıŋ üstımnen “Abzal Qūspanov menı zorlaǧysy keldı” dep aryz jazǧan. Menı sol üşın advokat basymmen sottap jıbere jazdaǧan. Sondyqtan talai adamdy qorǧap jürgen advokat retınde mūndai jaǧdailar maǧan jaqsy tanys. Jäne, Säulenıŋ qandai adam ekenın de jaqsy bılemın. Sondyqtan, mūnyŋ 100 paiyz jala ekenın tolyq senımmen aita alamyn!
Men qazır Astanada bır ülken ıstıŋ aiasynan şyǧa almai jatyrmyn. Bıraq, Säulemen bailanystamyn. Bailanysta bola beremın. Mındettı türde būl ıske aralasamyn!
Men Säulenı jalanyŋ qūrbany qylyp qarap otyra almaimyn!
Bız atalǧan jaǧdaiǧa bailanysty Almaty qalalyq Işkı Ister Departamentıne bırneşe ret habarlasqan edık. Alaida, olarmen bailanysu mümkın bolmady. Aldaǧy uaqytta būl ıske qatysty IID nıŋ de resmi jauabyn jariialaityn bolamyz.
Nūrbike Beksūltanqyzy
Abai.kz
