Ūlttyq bank töraǧasynyŋ orynbasary elde kezektı devalvasiia bola ma degen sūraqqa jauap berdı
Soŋǧy künderı dollar baǧamynyŋ ösuı älemdık naryqtaǧy mūnai baǧasymen bailanysty. Būl turaly ūlttyq bank töraǧasynyŋ orynbasary Mädina Äbılqasymova aitty, dep habarlaidy Sputnik Qazaqstantılşısı.
Onyŋ aituynşa, ūlttyq bank 3 mausymda kezektı boljamdyq raund ötkızıp, bazalyq mölşerlemenı sol küiınde – 9% deŋgeiınde qaldyrǧan.
"Qazır teŋgenıŋ erkın aiyrbas baǧamy rejimı aiasynda valiutanyŋ özgerısı bolyp jatyr. Būl, eŋ aldymen, mūnai baǧasyna bailanysty. Älemnıŋ ırı ekonomikalary arasyndaǧy sauda teketıresınıŋ küşeiuınen älemdık naryqtarda Brent markaly mūnaidyŋ baǧasy tüskenın körıp otyrmyz. Tiısınşe, būl damyp jatqan naryqtardyŋ valiutalaryna äser etıp jatyr", - dedı ol mäjılıs kuluarynda.
Osy oraida BAQ ökılderı Äbılqasymovadan elde kezektı devalvasiia bola ma dep sūrady. Ol teŋge baǧamy aitarlyqtai qūbylsa, ūlttyq bank tiıstı şaralar qabyldaitynyna sendırdı. "Aiyrbas baǧamy aitarlyqtai qūbylǧan jaǧdaida ūlttyq bank valiutalyq intervensiia jürgızuge qūqyly. Bız jaǧdaidy mūqiiat baqylap otyrmyz", - dedı ol. Aita ketsek, qazır valiuta aiyrbastau punkterınde bır dollar 384-386 teŋgege satylyp jatyr.Sputnik.
