25 qaraşa - zorlyq – zombylyqqa qarsy künge orai elımızde “Zorlyq-zombylyqqa qarsy belsendılıktıŋ 16 künı” aksiiasy bastaldy, dep habarlaidy "Adyrna" ūlttyq portaly Polisia.kz-ke sıltep.
Būl aksiianyŋ maqsaty – äielderge qatysty zorlyq-zombylyqtyŋ aldyn alu, boldyrmau jäne jolyn kesu, ana men balany, olardyŋ ömırın qorǧau, sondai-aq otbasylyq qūndylyqtardy nasihattau bolyp tabylady.
Äielderge qatysty kemsıtuşılıktıŋ barlyq türın joiu aiasynda Işkı ıster ministrlıgı 25 qaraşadan 10 jeltoqsanǧa deiın müddelı memlekettık organdardyŋ, ükımettık emes jäne halyqaralyq ūiymdardyŋ ökılderın, barşa halyqty “Zorlyq-zombylyqqa qarsy belsendılıktıŋ 16 künı” aksiiasyn ötkızuge şaqyrady.
Atalmyş şarany ötkızu barysynda imidjdık ıs-şaralardan bölek otbasynda qūqyq būzuşylyq jasauǧa beiım adamdardy, sondai-aq jaisyz otbasylardy tūrǧylyqty jerı boiynşa tekseru josparlanǧan.
Är öŋırde qūrylǧan mobildı toptar tūrmysy jaisyz otbasylar men ömırlık qiyn jaǧdaiǧa tap bolǧan otbasylarǧa keşendı kömek körsetuge erekşe nazar audarmaq.
Otbasyndaǧy agressorlarmen äkımşılık qamaudy öteu kezeŋınde profilaktikalyq jūmys jasau üşın qoǧamnyŋ belsendı ökılderı jūmyldyrylyp, arnaiy qabyldaǧyştarǧa baru josparlanǧan.
"Qūrmettı azamattar! Eger sız otbasylyq-tūrmystyq zorlyq-zombylyqtyŋ qūrbany bolsaŋyz nemese osyndai jaǧdai turaly bılseŋız, ony jasyrudyŋ qajetı joq. Polisiianyŋ 102 jedel arnasy ünemı jūmys ısteidı. Odan bölek elımızde jaqynda ǧana ıske qosylǧan 111 tegın senım telefony bar, oǧan qoŋyrau şalyp, tūrmystyq zorlyq-zombylyq qūrbandaryna kömek körsetu baǧdarlamalary turaly keŋes aluǧa bolady. Ärbır şaqyru boiynşa polisiia qyzmetkerlerı jedel türde sol jerge kelıp, kınälı adamdardy jauapqa tartu üşın zaŋda közdelgen barlyq şaralardy qabyldaidy", – dedı QR IIM äkımşılık polisiia komitetınıŋ erekşe tapsyrmalar jönındegı aǧa inspektory Aqmaral Serıkbaeva.
Ūqsas jaŋalyqtar
