Almaty qalasynyŋ "Baqşasarai" qabyldau üiınde “BUSINESS COLLABORATION FORUM 2023” biznes-forumy ötıp jatyr. Forumǧa Respublikanyŋ 51 oqu ornynyŋ mektep oquşylary men studentterı, käsıpkerler jäne ENACTUS baǧdarlamasynyŋ qonaqtary qatysty. Biznes-forum barysynda Qazaqstannyŋ tükpır-tükpırınen jinalǧan jastar özderınıŋ biznes-jobalaryn ūsyndy.
Is-şaranyŋ alǧysözınde Almaty qalasy äkımınıŋ orynbasary Älışer Äbdıqadyrov forumǧa qatysyp jatqan jastarǧa sättılık tıledı.
- 1995 jyldan bastap Qazaqstanda ENACTUS jobasy daryndy jastarǧa jaŋa mümkındıkter aşyp, olardyŋ özındık ideialaryn engızıp, biznes-jobalardy jüzege asyruda. Almaty - studentter qalasy. Şaharda 35 JOO ornalasqan. Onda 200 myŋǧa juyq student bılım alyp keledı. Ötken jyly Almaty qalasynyŋ äkımdıgımen 2025 jylǧa deiıngı qalanyŋ damu baǧdarlamasy bekıtıldı. Onyŋ ışınde qala jastaryna bılım beru, jūmyspen qamtu, qajettı infraqūrylymmen qamtamasyz etu mäselelerıne asa män berıldı. Qysqa merzımdı kurs oqyp, jūmys tabuǧa mümkındık beretın JasAlmaty.kz portaly ıske qosyldy. Säuır aiynda jas käsıpkerler kluby qūryldy. Qorytyndylai kele, ärqaisysyŋyzǧa bizneste tabysqa jetudı tıleimın, - dedı Almaty qalasy äkımınıŋ orynbasary Älışer Äbdıqadyrov.ENACTUS Kazakhstan ūiymynyŋ Prezidentı Albina Erjanova elımızdıŋ “ENACTUS WORLD CUP 2024” studenttık käsıpkerlıktıŋ Älemdık kubogyn ötkızu qūqyǧyn jeŋıp alǧanyn atap öttı.
- Oqu jylynyŋ soŋynda üzdık biznes-jobalar ENACTUS Kazakhstan kubogyna qatysady. Onda jeŋıske jetken joba älemdık jarysqa joldama alady. Jaqynda ǧana bız ENACTUS-tyŋ älemdık kubogynan keldık. Onda Qazaqstan kelesı jyly ötetın studenttık käsıpkerlıktıŋ Älemdık kubogyn ötkızu qūqyǧyna alǧaş ret ie boldy. Älemnıŋ üzdık universitetterı men üzdık komandalary Astana qalasynda 2024 jyly jinalady, - dedı ENACTUS Kazakhstan ūiymynyŋ Prezidentı Albina Erjanova.Sondai-aq, forum aiasynda ENACTUS Kazakhstan EXPO - innovasiialyq, ekologiialyq, äleumettık, digital jäne biznes jobalar körmesı ūiymdastyryldy.
- Bızdıŋ jobamyzdyŋ aty - “Silk Route”. Būl jobamen 2022 jyldan berı ainalysyp kelemız. Qazaqstan boiynşa şungit önımderın tek Taldyqorǧan aumaǧynda Köksu auylynda tabuǧa bolady. Bız osy şikızatty paidala otyryp 4 önım şyǧaramyz: ūntaq, sabyn, akssesuar jäne susyn. Olar terı aurularynyŋ qabynuyn emdeuge kömektesedı. Onyŋ barlyǧyn bız qolmen jasap otyrmyz. Bıraq 2024 jyldan bastap Taldyqorǧan qalasynda käsıpkerlermen kelısıp zauytta şyǧarudy josparlap otyrmyz. Qazır jobamyzdyŋ tabysy 700 myŋnan asty, - dedı ENACTUS Jansügırov kolledj komandasynyŋ ökılı Meirambek Omarhan.
