Almatydaǵy órtengen Ádı Sháripov kóshesindegi «Almaty Hostel» Halyk Bank menshigindegi ǵımaratta ornalasqan. Bul týraly Almaty ákimdigi málimdedi, dep habarlaıdy ”Adyrna” ulttyq portaly.
«Hostel bir jarym aı buryn ashylǵan, ǵımarat Halyk Bank-ke tıesili. Bank ony kepilmúlik retinde jalǵa bergen. Qyzyl jalyn 30 sharshy metrdi sharpyǵan. Bul hostel Almaty qalasynyń joǵary oqý oryndarymen stýdentterdi ornalastyrý úshin yntymaqtastyq týraly memorandýmǵa qol qoıǵan joq», - dep habarlady ákimdikten.
Bul jóninde Halyk Bank ázirge, resmı málimdeme bergen joq.
Oqıǵa ornyna Almaty ákimi Erbolat Dosaev keldi. Sondaı-aq Astanadan Tótenshe jaǵdaılar mınıstri Syrym Sháriphanov ushyp shyqqany belgili boldy.
Eske salaıyq, búgin tańerteń Almatyda ornalasqan hostelderdiń birinen órt shyǵyp, 13 adamdy ajal qushty. Belgili bolǵandaı hosteldiń iske qosylǵanyna ne bári 1,5 aı bolǵan. Onda shetel azamattary turǵan. Sonymen qatar órttiń shyǵý sebepterin tekserý jónindegi Úkimettik komıssııa quryldy. Órtten zardap shekkenderdiń jaǵdaıy týraly málimet belgili bolǵan edi.
